| e-texts navigator |
| Wylie |
251b1 མེད།། ཐ་སྙད་མ་གོས་དཔེ་ལས་འདས།། ཀ་དག་ཡེ་ཤེས་ལྟ་བ་ཡིན།། ཇི་ལྟར་ཞེ་འདོད་ཕྱོགས་དང་བྲལ།། མི་བསྒོམ་རྒྱུན་ཆད་མེད་པར་གནས།། འབྱུང་འཇུག་མེད་པའི་ཀློང་སྒོམ་ཡིན།། བྱར་མེད་ལུས་ངག་ཡིད
251b2 གསུམ་གྱི།། བྱ་བ་དང་བྲལ་ཤུགས་འབྱུང་ལ།། ཞེན་པ་མེད་པ་སྤྱོད་པ་ཡིན།། མི་འགྱུར་རང་ཡན་ཟང་ཀ་མ།། གདོད་མ་ཡེ་ནས་གནས་པ་ཡི།། ཀ་དག་ཆེན་པོའི་འབྲས་བུ་ཡིན།། ཞེ་འདོད་བློ་ཆོས་འདིར་མ
251b3 བཤད།། ཅེས་གསུངས་སོ།། བྱར་མེད་བློ་འདས་བསྟན་པའི་ལེའུ་སྟེ་དྲུག་པའོ།། །། དེ་ནས་གསལ་དག་ཁྱེའུ་ཆུང་གིས།། དངོས་མེད་ཀ་དག་ཀུན་བཟང་ལ།། རྟོགས་པའི་ཡེ་ཤེས་ཇི་ལྟར་འཆར།། ཞེས་ཞུས
251b4 པ་དང་། སྟོན་པས་འཁོར་ལ་བཀའ་སྩལ་པ།། གདོད་དག་ཟང་ཀའི་དོན་རྟོགས་ན།། རྟོགས་པའི་ཡེ་ཤེས་འཆར་ལུགས་མང་།། བསྡུས་ནས་མདོ་ཙམ་བསྟན་པ་ནི།། དངོས་མེད་ཟང་ཀ་རྟོགས་ཙམ་ན།། བྱ་བཙལ
251b5 མེད་པའི་རྟོགས་པ་འཆར།། ཞེ་འདོད་རྩིས་གདབ་མེད་པར་གནས།། དབྱེ་བསལ་མེད་པའི་རྟོགས་པ་འཆར།། སྐུ་ཡི་དངོས་པོ་མི་མངའ་བར།། སྟོང་གསུམ་མ་ལུས་ཟིལ་གྱིས་གནོན།། གསུང་གི་དངོས་པོ་ཅིར་ཡང
251b6 མི་མངའ་བར།། བསྟན་པ་མ་ལུས་ཀུན་ལ་རྒྱས།། ཐུགས་ཀྱི་དངོས་པོ་མི་མངའ་བར།། སྣང་སྲིད་འཁོར་འདས་ས་ལེར་མཁྱེན།། སྐུ་གསུང་ཐུགས་ཀྱི་ཡོན་ཏན་ནི།། བྱེ་བྲག་བསམ་གྱིས་མི་ཁྱབ་འཆར།། ཞེས
iiif viewer powered by OpenSeadragon
