| e-texts navigator |
| Wylie |
251a1 སངས།། རིན་ཆེན་རྫས་སྟོར་མོད་ལ་རྙེད།། དེ་བཞིན་སེམས་ཉིད་ནོར་བུ་ཡང་།། ཐོག་མ་མེད་ནས་བསགས་པ་ཡིས།། སྒྲིབ་གཡོགས་བག་ཆགས་མ་རིག་རྣམས།། ཡེ་ཤེས་འོད་འབར་སྒྲོན་མས
251a2 སངས།། ཟང་ཀ་དང་དངས་ཀ་དག་མཐོང་།། མཐོང་བའི་དངོས་མེད་དངས་སང་ངོ་ངེ།། གཉིས་མེད་གཅིག་གི་བློ་ལས་འདས།། དངོས་མེད་མཚོན་མེད་རྣལ་མ་དེ།། གང་ཡང་མི་སེམས་དགོངས་པ་རྟོགས།། ཀ་དག
251a3 ཟང་མའི་ཆོས་སྐུ་རྙེད།། ངོ་འཕྲད་ཐེ་ཚོམ་སོམ་ཉི་མེད།། ཐོག་མ་ནས་བསགས་མ་རིག་སངས།། འཁོར་བའི་འདམ་གྱི་རྫབ་ནང་ནས།། བསམ་གྲུབ་དང་དངས་རིན་ཆེན་རྙེད།། མྱ་ངན་འདས་པའི་ཞིང་ཁམས
251a4 ན།། རྟོགས་པའི་ཡེ་ཤེས་ལོངས་སྤྱད་དོ།། ཐོག་མ་མེད་ནས་ཐ་མ་རུ།། རང་བཞིན་རྒྱུན་དུ་གནས་པའི་ཕྱིར།། ཡེ་ཤེས་རྒྱུན་ཆད་མེད་པའི་རྒྱུ།། ཞེས་གསུངས་སོ།། སྒྲོན་མ་འབར་བའི་དཔེ་བསྟན་པའི་ལེའུ་སྟེ་ལྔ
251a5 པའོ།། །། དེ་ནས་གསལ་དག་རིན་ཆེན་གྱིས།། དངོས་མེད་ཀ་དག་ཆོས་སྐུ་ལ།། བྱར་མེད་བློ་འདས་ཐེག་པ་གང་།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། དགུ་རྩེ་སྤྱི་ཡིས་སྤྱི་ཏི་བཤད།། གསལ
251a6 དག་རིན་ཆེན་ཡིད་ལ་ཆོངས།། ཐེག་དགུ་ཞེ་འདོད་བློ་ཡི་ཆོས།། དགུ་ལས་དཔག་པའི་སྤྱི་ཕུད་འདི།། བྱར་མེད་ཞེ་འདོད་བློ་ལས་འདས།། ཅང་མེད་དངོས་མེད་དངས་སང་ངོ་ངེ།། སྟོང་གསལ་གདངས་ལ་དངོས་གཞི
iiif viewer powered by OpenSeadragon
