| e-texts navigator |
| Wylie |
250b1 མ་འབར་བའི་རྒྱུད་ལས། ཡེ་ཤེས་བསྟན་པའི་ལེའུ་སྟེ་གསུམ་པའོ།། །། དེ་ནས་གསལ་དག་རིན་ཆེན་གྱིས།། ཀ་དག་དངོས་མེད་ཆོས་སྐུ་ལ།། བཅུད་སྤངས་གདམས་ངག་གནད་གང་ཡིན།། ཞེས་ཞུས་པ
250b2 དང་། སྟོན་པས་འཁོར་ལ་བཀའ་སྩལ་པ།། བཅུད་སྤུངས་མན་ངག་གནད་བསྟན་པ།། ངང་དངས་རིན་ཆེན་ཡིད་ལ་ཆོངས།། བཅུད་ནི་སྙིང་པོ་དོན་གྱི་བཅུད།། སྤུངས་ནི་སྐྱེ་འགག་མེད་པར་སྤུངས།། བཅུད་ནི་ཆོས
250b3 སྐུ་འགྱུར་མེད་བཅུད།། སྤུངས་ནི་རྒྱུ་རྐྱེན་འཕོ་འགྱུར་མེད།། བཅུད་ནི་ཆོས་ཉིད་སྙིང་པོའོ།། སྤངས་ནི་རྩོལ་བསྒྲུབ་མེད་པར་སྤངས།། ཐིག་ལེ་ཡེ་ཤེས་བཅུད་སྤུངས་པས།། མི་འགྱུར་ཡེ་ཤེས་རྒྱ་ཡིས་ཐེབས།། བརྡའ
250b4 ནི་བླ་མའི་སྙན་བརྒྱད་བརྡའ།། ངག་ནི་སློབ་མའི་ངག་ལ་བརྒྱུད།། ཐིག་ལེ་ཡེ་ཤེས་གཉིས་མེད་གནད།། སྙིང་པོ་ཡན་ལག་གཉིས་མེད་གནད།། གསལ་སྟོང་ངོ་འཕྲོད་དབྱེར་མེད་རྟོགས།། ཞེས་གསུངས་སོ།། བཅུད
250b5 སྤུངས་མན་ངག་བསྟན་པའི་ལེའུ་སྟེ་བཞི་པའོ།། །། དེ་ནས་གསལ་དག་རིན་ཆེན་གྱིས།། དངོས་མེད་རྣལ་མ་ཀུན་བཟང་ལ།། སྒྲོན་མ་འབར་བའི་དཔེ་མཚོན་གང་།། ཞེས་ཞུས་པ་དང་། སྟོན་པས་འཁོར
250b6 ལ་བཀའ་སྩལ་པ།། དངོས་མེད་ཀ་དག་རང་བཞིན་དཔེ་མེད་ཀྱང་།། དངོས་མེད་བསྟན་ཕྱིར་དཔེ་ཡིས་མཚོན།། དཔེར་ན་མུན་ནག་རྫས་སྟོར་བ།། ལག་ནོམ་གྱིས་བཙལ་མི་རྙེད་དེ།། སྒྲོན་མའི་འོད་གསལ་མུན་རང
iiif viewer powered by OpenSeadragon
