| e-texts navigator |
| Wylie |
250a1 གཅིག་འདུས་པ།། ཐ་སྙད་མཚོན་བྲལ་དཔེ་ཟླ་མེད་པའོ།། རྣམ་པ་ཀུན་ལྡན་གང་ཡང་གྲུབ་པ་མེད།། ཐིག་ལེ་ཆེན་པོ་མི་གཡོ་མི་འགྱུར་བ། ཚོགས་རྒྱད་ཡུལ་མིན་བློ་འདས་བྱར་མེད་པའོ།། ཀུན་ཁྱབ
250a2 ཕྱོགས་མེད་གར་ཡང་རྒྱ་མ་ཆད།། ཀ་དག་དངོས་མེད་རྣལ་མ་ཟང་ཀ་དེ།། མཚོན་བྱ་མ་འགགས་མཚོན་གཞི་མི་དམིགས་སོ།། སྣང་ཆ་མ་འགགས་སྣང་གཞི་མ་གྲུབ་བོ།། ཞེས་གསུངས་སོ།། སྙིང་པོ་བསྟན་པའི་ལེའུ་སྟེ།
250a3 གཉིས་པའོ།། །། དེ་ནས་གསལ་དག་རིན་ཆེན་གྱིས།། དངོས་མེད་ཀ་དག་ཆོས་སྐུ་ལ།། ཡན་ལག་ཡེ་ཤེས་ཇི་ལྟར་འཆར།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། སྙིང་པོ་ཐིག་ལེ་མིང
250a4 མེད་བློ་འདས་ཀྱང་།། ཡན་ལག་མ་འགགས་ཡེ་ཤེས་འདི་ལྟར་ཤར།། ཡེ་ནི་ཡེ་ནས་གནས་པའི་རང་བཞིན་ལ།། རྩལ་ཟེར་ཡན་ལག་དང་དངས་རང་བརླག་ཤེས།། དེས་ན་ཡེ་ཤེས་ཞེས་པར་བཤད་པ་ཡིན།། ཨ་ཏི
250a5 ཡོ་གེའི་སྟོང་གསལ་ཁྱབ་གདལ་དེར།། རྩལ་གྱི་ཟེར་དེ་ཐིམ་པས་དབྱེར་མེད་ཤེས།། དེས་ན་དེ་ལ་ཡེ་ཤེས་ཞེས་པར་བཤད།། ཡེ་ནི་དངོས་མེད་ཀ་ནས་དག་པ་སྟེ།། ཤེས་རབ་གསུམ་གྱིས་ཤེས་པས་ཡེ་ཤེས
250a6 ཡིན།། ཡེ་ནི་རང་ལ་ཡེ་ནས་གནས་པ་ཡིན།། ཡེ་ནས་གནས་པར་ཤེས་པས་ཤེས་རབ་བོ།། ཡན་ལག་རྩལ་ཟེར་འགག་མེད་བྱུང་སར་ཐིམ།། དེས་ན་ཡན་ལག་ཡེ་ཤེས་རང་བཞིན་ནོ།། ཞེས་གསུངས་སོ།། སྒྲོན
iiif viewer powered by OpenSeadragon
