| e-texts navigator |
| Wylie |
24b1 གསོལ།། ཞུས་པའི་དོན་གསན་ཐུགས་ཀྱིས་བཀའ་སྩལ་པ།། བར་ཆད་མི་འབྱུང་སྤྱོད་པའི་དམ་ཚིག་ནི།། ངེས་པའི་ལུང་ལྡན་མན་ངག་འཆང་བ་ཡིས།། རྡོ་རྗེ་སློབ་དཔོན་སྐུ་དགྲ་བརྙས་བྱེད་དང་།། སྐད་ཅིག་ཙམ་ཡང
24b2 མི་འགྲོག་སྤང་རྒྱུ་ལ།། འདྲིས་ཤིང་གུས་པར་བྱེད་པའི་སློབ་མ་དེར།། མཁའ་འགྲོ་བར་གཅོད་ཚེ་ཐུང་ནད་མང་འབྱུང་།། འཆི་ལ་རབ་ཏུ་ཚ་བའི་དམྱལ་བར་སྐྱེ།། སྐུ་དགྲ་བསྒྲལ་ཞིང་སྤང་ན་དངོས་གྲུབ་འབྱུང་།། ད
24b3 ཡང་འདུས་པའི་སྙིང་པོ་ཡང་ཉོན་ཅིག། དེ་ཡི་ཕྱོགས་མཐུན་དམ་ཚིག་བསྲུང་བའི་ཕྱིར།། དམ་ཉམས་འཐབ་དང་ནག་མོ་འཛིངས་པ་ཡིས།། ཤུགས་སྡུམ་མི་བྱ་བཀའ་ལས་འདས་པར་གསུངས།། བྱས་ན་གཙང་རིས
24b4 ཆོས་སྐྱོང་མགོན་ཁྲོས་ནས།། གོ་ཀ་འབྱུང་ཞིང་སྒྲུབ་པའི་ལྷ་དང་འབྲལ།། ཕྱི་མ་དྲན་ཉམས་ལྐུགས་པའི་དམྱལ་བར་སྐྱེ།། དེ་ཕྱིར་བྱ་བ་བསྐྱུངས་ལ་དོན་ལ་བཞག། དེ་ཡང་འདུས་པའི་སྙིང་པོ་ཡང་ཉོན་ཅིག། ངེས་པའི
24b5 རྣལ་འབྱོར་ལུང་ལྡན་པས།། རིག་འཛིན་སྤྱོད་པ་བསྟན་པའི་ཕྱིར།། རྟ་བོ་རྨིག་ཟླུམ་ཤ་རྣམས་རྟག་ཏུ་སྤངས།། མ་སྤངས་དགྲ་རྐུན་རྣམས་ཀྱིས་བར་ཆད་ཡོང་།། ཕྱི་མར་ཡི་དྭགས་འདྲེ་སྲིན་གནས་སུ་སྐྱེ།། དེ་ཕྱིར་ངེས
24b6 པའི་རྣལ་འབྱོར་ལུང་ལྡན་གྱིས།། དེ་བས་གཙང་སྦྲ་བྲམ་ཟེ་བཞིན་དུ་སྤྱད།། དེ་ལ་རིག་འཛིན་བྱིན་གྱིས་བརླབས་པར་ངེས།། དེ་ཡང་རྡོ་རྗེ་སེམས་དཔའ་ཡིད་ཀྱིས་ཉོན།། བླ་མའི་ཐུགས་ཀྱི་དམ་ཚིག་བསྲུང་བའི
iiif viewer powered by OpenSeadragon
