| e-texts navigator |
| Wylie |
24a1 རྟོག་པ།། རྩལ་དུ་ཉམས་མྱོང་ཞི་གནས་སྐྱོན་ཡིན་ཕྱིར།། རྟོགས་ན་རང་རྒྱུད་ཡིན་ཕྱིར་མན་ངག་མིན།། མ་དྲན་འདུ་ཤེས་འགག་ཕྱིར་གཉིད་དུ་ཉལ།། དེ་ཡང་རྡོ་རྗེ་སེམས་དཔའ་ཡིད་ཀྱིས་ཉོན།། ཡུལ
24a2 ལ་མི་རྟོག་དེ་ཉིད་བསམ་གཏན་ཏེ།། རྟོགས་དང་མི་དྲན་གཉིས་ཀའི་གཞི་ཡིན་ཏེ།། ཐོག་མཐའ་ཆོད་ན་ཆོས་ཉིད་བྱང་ཆུབ་སེམས།། དེ་ཉིད་རང་བྱུང་ཡེ་ཤེས་དོན་རྟོགས་ན།། ཡུལ་ཉིད་མི་རྟོག་བསྒོམ་པའི་དོན་ཉིད
24a3 ཤར།། མན་ངག་གིས་ནི་བཅོས་ན་དོན་དང་འགལ།། མ་བཅོས་མན་ངག་བཀའ་ལ་དགོས་པ་མེད།། ད་ཡང་འདུས་པའི་འཁོར་རྣམས་ཡིད་ཀྱིས་ཉོན།། ལུང་ལྡན་མཁས་པའི་མན་ངག་དོན་ཟབ་ཀྱིས།། ཀུན་གྱི་གཞི
24a4 ཆ་ཆོས་སྐུ་ངོ་བོ་ཉིད།། བཅོས་སུ་མེད་པར་རང་སེམས་ནམ་མཁའ་འདྲ།། སྒོ་ལྔ་ཡུལ་ཉིད་འཁྲུལ་ཕྱིར་འབྲེལ་པ་ཆོད།། ཡིད་ལ་བལྟ་བ་བསྟན་པའི་ཉོན་མོངས་གྲོལ།། དེ་ཕྱིར་བཀའ་དོན་རྟོགས་པ་ཤིན་ཏུ
24a5 གཅེས།། རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། ཐེ་ཚོམ་གེགས་སེལ་བསྟན་པའི་ལེའུ་སྟེ་སོ་གཅིག་པའོ།། །། དེ་ནས་འདུས་པའི་ཆེད་དུ་ཡང་ཞུས་པ།། བར་ཆད་མི་འབྱུང་སྒྲོ།།
24a6 པའི་དམ་ཚིག་གང་།། རྣལ་འབྱོར་ལྟ་བ་ཉམས་པའི་སྐྱོན་ནི་གང་།། དེ་ལ་སྐོང་ཐབས་ཇི་ལྟར་བསྟན་པར་བགྱི།། བསྐངས་པའི་འབྲས་བུ་ཇི་ལྟར་འབྱུང་བ་ལགས།། མཉམ་པའི་རྒྱལ་པོས་ལུང་ནི་བསྟན་དུ
iiif viewer powered by OpenSeadragon
