| e-texts navigator |
| Wylie |
249b1 གནས།། ཡན་ལག་ཡེ་ཤེས་རང་བཞིན་ཇི་ལྟར་ཤར།། བཅུད་སྤུངས་གདམས་ངག་གནད་ཀྱིས་ཇི་ལྟར་རྟོགས།། སྒྲོན་མ་འོད་འབར་དཔེ་ཡིས་ཇི་ལྟར་བསྟན།། བྱར་མེད་བློ་འདས་བསྟན་པ་ཇི་ལྟར་གསུངས།། རྟོགས
249b2 པའི་འཆར་ལུགས་ཇི་ལྟར་འཆར་བར་འགྱུར།། མ་བསྒྲུབས་པར་ནི་འབྲས་བུ་ཇི་ལྟར་ཐོབ།། རིམ་པ་བརྒྱད་ཀྱིས་རྩོལ་བ་མི་འཚལ་ལམ།། ལྟ་བ་སྒོམ་པ་སྤྱོད་པ་འབྲས་བུ་བཞི།། དབང་པོ་ཡང་རབ་རྣམས་ལ་དགོས
249b3 མི་དགོས།། བྱ་དང་བཙལ་དང་རྩོལ་སྒྲུབ་མ་བྱས་པར།། དངོས་མེད་ཀ་དག་ཇི་ལྟར་ཐོབ་པར་འགྱུར།། ཞེས་ཞུས་སོ།། སྒྲོན་མ་འབར་བའི་རྒྱུད་ལས། ཕུན་སུམ་ཚོགས་པ་དང་གླེང་གཞིའི་ལེའུ་སྟེ
249b4 དང་པོའོ།། ། དེ་ནས་དངོས་མེད་ཀ་དག་ཆོས་སྐུ་ཡིས།། གསལ་དག་རིན་ཆེན་འཁོར་ལ་འདི་སྐད་གསུངས།། ཀྲ་ར་ཐ་ཀེ་ཛྙཱ་ན་ཟུང་ལ་ཨ་སི་ཐིམ། བྷ་ཡ་ཧྲི་ཏི་ཨ། སྙིང་པོ་ཐིག་ལེའི་རང་བཞིན་ངས
249b5 བཤད་ཀྱིས། གསལ་དག་རིན་ཆེན་ཡིད་ལ་དེ་ལྟར་ཆོངས།། སྙིང་པོ་ཐིག་ལེའི་རང་བཞིན་དངོས་པོ་མེད།། དྲན་རྟོག་བློ་ལས་འདས་པས་མཚོན་དུ་མེད།། འོན་ཀྱང་མ་རྟོགས་པ་ཡི་སེམས་ཅན་ལ།། སྒྲོན་མ་འབར
249b6 བའི་དཔེ་ཡིས་མཚོན་ནས་ནི།། མུན་ཁུང་གསེར་འཚོལ་ལྟ་བུ་བཤད་པར་བྱ།། སྙིང་པོའི་རང་བཞིན་མངོན་དུ་བསྟན་དུ་མེད།། དངོས་མེད་ཀུན་དངོས་ཅད་མེད་ཅིར་ཡང་སྣང་།། གཅིག་ལས་ཀུན་འབྱུང་སྣ་ཚོགས
iiif viewer powered by OpenSeadragon
