| e-texts navigator |
| Wylie |
248b1 བྱར་མེད་མཆོད་བསྟོད་བཤགས་པའི་མཆོག། ཀ་དག་རྣལ་མ་དབང་གི་མཆོག། སྣང་སྲིད་དབྱེར་མེད་གཏོར་ཚོགས་མཆོག། ཞེ་འདོད་རྩོལ་མེད་འཇུག་སྒོའི་མཆོག། འཛིན་མེད་བློ་ནི་གང་དུའང་སྐྱེ་མེད་བསྒོམ་པའི
248b2 མཆོག། གང་ཡང་ཞེ་འདོད་རྟེན་མེད་ལྟ་བའི་མཆོག། ཡིད་སེམས་གང་ཡང་མི་རྒྱུ་བསྒོམ་པའི་མཆོག། དྲན་རིག་གང་ལའང་མ་ཆགས་སྤྱོད་པའི་མཆོག། ཤེས་པ་གང་ལའང་མི་འཇུག་ཉམས་ཀྱི་མཆོག། དངོས་མེད་ཀ།
248b3 དག་བློ་འདས་འབྲས་བུའི་མཆོག། སྨོན་པའི་ས་ནོན་ས་ལམ་འབྲས་བུའི་མཆོག། བཙལ་བསྒྲུབ་བྱར་བྱེད་མེད་པས་ཕྲིན་ལས་མཆོག། སྣང་སྲིད་ཡོད་མེད་ཀུན་རྫོགས་རྫོགས་ཆེན་མཆོག། ཅེས་གསུངས་སོ།། གཏེར
248b4 སྙིང་རིན་པོ་ཆེ་སྤུངས་པའི་རྒྱུད་ལས། མཆོག་བསྟན་པའི་ལེའུ་སྟེ་བརྒྱད་པའོ།། །། དེ་ནས་རིག་པའི་རྒྱལ་པོ་ཡིས།། དངོས་མེད་སངས་རྒྱས་སྤྱི་ཕུད་ལ།། མཚན་དང་གཏད་རྒྱ་ཇི་ལྟར་ལགས།། ཞེས
248b5 གསོལ་པ་དང་། སྟོན་པས་འཁོར་ལ་བཀའ་སྩལ་པ།། སྣ་ཚོགས་ཀུན་འབྱུང་སྙིང་པོར་འདུས།། སྙིང་པོ་གཏེར་སྙིང་རྒྱུད་དུ་ཟུང་།། དགོས་འདོད་མ་ལུས་འབྱུང་བ་ཡིས།། རིན་པོ་ཆེ་ཡི་རྒྱུད་དུ་ཟུང་།། དོན་གྱི་བཅུད
248b6 རྣམས་སྤུངས་པའི་ཕྱིར།། རིན་ཆེན་སྤུངས་པའི་རྒྱུད་དུ་ཟུང་།། རྒྱུད་འདི་གཏད་པའི་སྐལ་ལྡན་ནི།། རྒྱུད་བཟང་དང་རིང་དད་པ་ཆེ།། གུས་དང་དམ་ཚིག་ཤེས་རབ་ལྡན།། དེ་ལྟ་བུ་ལ་རྒྱུད་འདི་གཏད།། དམ་མེད་ང
iiif viewer powered by OpenSeadragon
