| e-texts navigator |
| Wylie |
247b1 ལྔ་པའོ།། །། དེ་ནས་རིག་པའི་རྒྱལ་པོ་ཡིས།། སྔོན་ཐོག་སྤྱི་ཕུད་སངས་རྒྱས་ལ།། ལ་བཟླ་ཆེན་པོ་ཇི་ལྟར་ལགས།། ཞེས་ཞུས་པ་དང་།། སྟོན་པས་འཁོར་ལ་བཀའ་སྩལ་པ།། ཀ་དག་དངོས་མེད་རྣལ་མ
247b2 ལ།། སངས་རྒྱས་བྱང་ཆུབ་ཆོས་རྣམས་མེད།། སྐུ་དང་རིགས་ལྔ་ལྷ་བསྒོམ་མེད།། ཉམས་རྟགས་མངོན་ཤེས་ཐ་སྙད་མེད།། འཁོར་འདས་ཡོད་མེད་རྟག་ཆད་མེད།། ཆགས་སྡང་འཁོར་བའི་བྱ་བ་ལ།། ཡིད་ནི་འབྲེངས
247b3 ཀྱང་མ་བརྟགས་འཁྲུལ་སྣང་ཡིན།། འཁྲུལ་སྣང་ཆགས་སྡང་ནམས་ཀྱང་བསླུ།། དེ་བས་འཁོར་བའི་བྱ་བ་ཐོངས། ཆགས་ན་ལྷ་ལ་ཆགས་ཀྱང་ལྟུང་། གང་ལའང་ཆགས་སྡང་མ་བྱེད་ཅིག། ཅེས་གསུངས་སོ།། གཏེར
247b4 སྙིང་རིན་པོ་ཆེ་སྤུངས་པའི་རྒྱུད་ལས། ལ་བཟླ་བའི་ལེའུ་སྟེ་དྲུག་པའོ།། །། དེ་ནས་རིག་པའི་རྒྱལ་པོ་ཡིས།། སྔོན་ཐོག་སྤྱི་ཕུད་སངས་རྒྱས་ལ།། གཞི་ཡི་འཁྲུལ་པ་རྩད་ཆོད་པས།། རྟོགས་ཐབས
247b5 གདམས་ངག་ཇི་ལྟར་བསྟན།། ཅེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། གསང་སྔགས་བརྡས་བཤད་འཁོར་རྣམས་ཉོན།། ནམ་མཁའི་དབྱིངས་ལ་ཅི་འདུག་ལྟོས།། ཞེས་གསུངས་པ་དང་། འཁོར་གྱིས
247b6 ནམ་མཁའི་དབྱིངས་སུ་བལྟས།། ཅི་ཡང་མི་གདའ་གང་མ་མཐོང་།། དེ་ལ་སྟོན་པས་བཀའ་སྩལ་པ།། མ་མཐོང་བ་དེ་མཐོང་བ་ཡིན།། ཞེས་གསུངས་སོ།། སྟོན་པས་འཁོར་ལ་བཀའ་སྩལ་པ།། ནམ་མཁའི་མཐོངས་སུ
iiif viewer powered by OpenSeadragon
