| e-texts navigator |
| Wylie |
247a1 བསྔལ་ཟད་མཐའ་ཡས།། ཞེས་གསུངས་སོ།། གཏེར་སྙིང་རིན་པོ་ཆེ་སྤངས་པའི་རྒྱུད་ལས། འཁྲུལ་པ་བསྟན་པའི་ལེའུ་སྟེ་གསུམ་པའོ།། །། དེ་ནས་རིག་པའི་རྒྱལ་པོ་ཡིས།། སྔོན་ཐོག་སྤྱི་ཕུད
247a2 སངས་རྒྱས་ལ།། འཁྲུལ་པ་རྩད་ནས་ཇི་ལྟར་བཅད།། ཅེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། གཞི་འཁྲུལ་རྩད་ཆོད་མ་བུ་འཕྲད།། འཁྲུལ་ཆོད་ཀློང་གྱུར་རྒྱ་ཡིས་ཐེབས།། ཁམས་གསུམ་འགྲོ་དྲུག
247a3 རྩད་ཆོད་པས།། མ་རིག་འཁོར་བའི་མིང་ཡང་མེད།། ལན་ཚྭ་ཆུ་རུ་ཐིམ་པའམ།། དུག་ལ་སྔགས་ཀྱིས་ཐེབས་པ་འདྲ།། ཞེས་གསུངས་སོ།། གཏེར་སྙིང་རིན་པོ་ཆེའི་རྒྱུད་ལས། རྩད་གཅོད་བསྟན་པའི་ལེའུ་སྟེ་བཞི
247a4 པའོ།། །། དེ་ནས་རིག་པའི་རྒྱལ་པོ་ཡིས།། སྔོན་ཐོག་སྤྱི་ཕུད་སངས་རྒྱས་ལ།། དངོས་མེད་ཀ་དག་གང་གིས་རྟོགས།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། དངོས་མེད་ཀ་དག
247a5 རྟོགས་ཐབས་ནི།། རྩོལ་མེད་བསམ་བྲལ་རྟོགས་པ་ལས།། ལྷ་སྒོམ་སྤྱོད་པས་མ་ཡིན་ནོ།། ཅང་མེད་ཅིང་སྣང་དངོས་མེད་ཀུན་གཞི་དེ།། འདོད་བྲལ་བློ་འདས་བསམ་མེད་དངས་སང་ངེ།། སྟོང་གསལ་ཡེ་གདངས
247a6 སང་ངེ་དངོས་མེད་དབྱིངས།། གཏིང་གསལ་གདངས་ལ་གང་གི་ཐ་སྙད་མེད།། ཀ་དག་རྣལ་མ་བློ་འདས་རྟོགས།། ཞེས་གསུངས་སོ།། གཏེར་སྙིང་རིན་པོ་ཆེ་སྤུངས་པའི་རྒྱུད་ལས། རྟོགས་ཐབས་བསྟན་པའི་ལེའུ་སྟེ
iiif viewer powered by OpenSeadragon
