| e-texts navigator |
| Wylie |
246b1 ཆུབ་སེམས་དཔའོ།། བསྟན་པའི་རྒྱལ་པོ་གཏེར་སྙིང་རིན་པོ་ཆེ་སྤུངས་པའི་རྒྱུད་འདི། དུས་གསུམ་དབྱེར་མེད་སྔ་ཕྱི་མེད་པའི་དུས་སུ་གསུངས་སོ།། གཏེར་སྙིང་རིན་པོ་ཆེ་སྤུངས་པའི་རྒྱུད་ལས། གླེང་གཞི་ཕུན་སུམ
246b2 ཚོགས་པའི་ལེའུ་སྟེ་དང་པའོ།། །། དེ་ནས་ཤེས་རིག་རྒྱལ་པོ་ཡིས།། སྔོན་ཐོག་སྤྱི་ཕུད་སངས་རྒྱས་ལ།། གཞི་འཁྲུལ་རྩད་གཅོད་རྟོགས་ཐབས་གང་།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ
246b3 པ།། གཞི་ནི་མིང་མ་ཐོགས་པ་ལ།། དངོས་མེད་ཀ་དག་བློ་ལས་འདས།། དཔེ་མེད་ཚིག་མེད་ཐ་སྙད་མེད།། ལྷུན་གྲུབ་ཀུན་ལྡན་གང་ཡང་མེད།། མི་འགྱུར་ཀུན་གཞི་ཕྱོགས་མེད་ཀློང་།། ཞེས་གསུངས་སོ།། གཏེར
246b4 སྙིང་རིན་པོ་ཆེ་སྤུངས་པའི་རྒྱུད་ལས། གཞི་བསྟན་པའི་ལེའུ་སྟེ་གཉིས་པའོ།། །། དེ་ནས་ཤེས་རིག་རྒྱལ་པོ་ཡིས།། སྔོན་ཐོག་སྤྱི་ཕུད་སངས་རྒྱས་ལ།། ཀ་དག་མ་རྟོགས་ཅི་ལྟར་འཁྲུལ།། ཞེས་ཞུས་པ་དང་།
246b5 སྟོན་པས་འཁོར་ལ་བཀའ་སྩལ་པ།། གཞི་ལ་འཁྲུལ་དང་མ་འཁྲུལ་མེད།། རྩལ་ལ་འཁྲུལ་དང་མ་འཁྲུལ་བྱུང་།། ཀ་དག་མ་རྟོགས་འཁྲུལ་པ་ཡིན།། དངོས་མེད་མ་རྟོགས་སྡུག་བསྔལ་མྱོང་།། རྣལ་མ་མ་རྟོགས་འཁོར
246b6 བར་འཁྱམས།། དབྱེ་བསལ་མ་རྟོགས་མ་རིག་མུན།། རང་ས་མ་ཟིན་འགྲོ་དྲུག་འཁྲུལ།། ཐོ་ཡོར་ཐག་པ་སྨིག་རྒྱུ་གསུམ།། མི་སྦྲུལ་ཆུར་འཁྲུལ་དཔེ་དང་མཚུངས།། གཞི་ལ་མེད་དེ་རྟོག་པས་བཟུང་།། ཉེས་སྐྱོན་སྡུག
iiif viewer powered by OpenSeadragon
