| e-texts navigator |
| Wylie |
246a1 རྒྱལ་པོ་ཝ་ཟང་སྤྲེའུ་བཅན་ལ་གདམས་ཏེ་རན་པོ་ཟེའི་གཏར་དུ་ཀླས་སོ།། གཏར་བྷ། ཐཱས་རྒྱ། གཏད་བྱ། གསང་བྷ།། ། རྒྱ་གར་སྐད་དུ། ན་དྷཱུ་རྦད་པ་ར་ཀུཊ་ཎས?
246a2 བོད་སྐད་དུ། གཏེར་སྙིང་རིན་པོ་ཆེ་སྤུངས་པའི་རྒྱུད། བཅོམ་ལྡན་འདས་ཐོག་མའི་སངས་རྒྱས་འོད་མི་འགྱུར་བ་ལ་ཕྱག་འཚལ་ལོ།། འདི་སྐད་བདག་གིས་རང་བཞིན་རྟོགས་ནས་བཤད་པའི་དུས་གཅིག་ན། རང
246a3 བཞིན་གྱིས་རྣམ་པར་དག་པའི་གནས། ཀུན་གཞི་ཕོ་བྲང་། ཀུན་གཞིའི་སེམས་ཉིད་ཁྱབ་བརྡལ་ཆེན་པོའི་དཀྱིལ། འོད་གསལ་འགག་པ་མེད་པའི་ཀློང་། རིན་པོ་ཆེ་རྩལ་ཟེར་ཀུན་འབྱུང་གི་མཁའ། སྒྲིབ་པ་མེད་པར
246a4 འོད་གསལ་བ། དེ་ཉིད་དུ་རྣམ་པར་དག་པ། རྒྱུ་རྐྱེན་འཕོ་འགྱུར་མེད་པ། རྒྱ་ཆད་ཕྱོགས་ལྷུང་མེད་པའི་གནས་དེ་ན། སྔོན་ཐོག་སྤྱི་ཕུད་ཀྱི་སངས་རྒྱས་འོད་མི་འགྱུར་བ་བཞུགས་སོ།། དེའི་ཚེ་རྩལ་ཟེར་ཤེས་རིག་གི
246a5 འཁོར་ཡང་འདི་ལྟ་སྟེ།། མ་འགགས་རྩལ་ཟེར་འོད་མདངས་འགྱུ་བའི་འཁོར་དང་། ཤེས་རིག་ཡིད་སེམས་དྲན་རྟོག་བློ་ཡི་འཁོར་དང་། རང་བཞིན་གྱི་འཁོར་ཡང་འདི་ལྟ་སྟེ། རང་བཞིན་གནས་པའི་འཁོར་དང་།
246a6 རང་བཞིན་ལ་ལྟ་བའི་འཁོར་དང་། རང་བཞིན་རྟོགས་པའི་འཁོར་རོ།། གཞན་ཡང་སྨིན་པ་ཆེན་པོའི་འཁོར་ཡང་འདི་ལྟ་སྟེ། རྒྱུའི་བྱང་ཆུབ་སེམས་དཔའ་དང་། ལམ་གྱི་བྱང་ཆུབ་སེམས་དཔའ་དང་། འབྲས་བུའི་བྱང
iiif viewer powered by OpenSeadragon
