| e-texts navigator |
| Wylie |
245b1 བྱས་མ་བརྟགས་པའོ།། དེ་ཁོ་ན་ཉིད་ཅེས་བྱ་བ་ནི་མ་ནོར་མི་འགྱུར་བ་ལ་བྱའོ།། སྙིང་པོ་ཞེས་པ་ནི་རྩལ་དང་རང་བཞིན་ལ་བྱའོ།། ཡང་སྙིང་ཞེས་པ་ནི་བྱེད་པ་པོ་མེད་པ་བྱ་བས་བཙལ་དུ་མེད་པས་ཡང་སྙིང
245b2 ངོ་།། བཅུད་ཅེས་པ་ནི་ཉིང་ཁུའམ་སྙིང་པོ་འདུས་པ་མ་བཅོས་པའོ།། སྤུངས་ཞེས་པ་ནི་ཐིག་ལེའི་བཅུད་འདུས་ཤིང་སྤུངས་པའོ།། བཅུད་ཐིགས་ཞེས་པ་ནི་གདམས་པའི་སྐལ་པ་དང་ལྡན་པ་ལ་བབས་པའོ།། བདུད་རྩི
245b3 ཞེས་པ་ནི་ཉོན་མོངས་པ་དུག་ལྔའི་བདུད་ལ་སྐུ་ལྔ་ཡེ་ཤེས་ལྔའི་རྩིས་འདུལ་ཞིང་འཇོམས་པའོ།། འཁོར་བ་ཞེས་པ་ནི་སྡུག་བསྔལ་ཟད་པར་བྱེད་པ་དང་བཅས་པའོ།། ཐོག་མ་ཞེས་པ་ནི་མ་བྱུང་མ་སྐྱེས་ཅི་ཡང་མེད
245b4 པ་ཐ་སྙད་ལས་འདས་པའོ།། ཐ་མ་ཞེས་པ་ནི་སྐལ་ལྡན་གཅིག་འགྲོ་དྲུག་གི་གཡང་ས་ཆོད་ནས་རང་ངོ་ཤེས་ཤིང་སངས་རྒྱས་པའོ།། གཅོད་ཅེས་པ་ནི་མན་ངག་གོ།། རྒྱུད་ཅེས་པ་ནི་རྒྱུན་མ་ཆད་པའོ།། དགོངས་པ
245b5 ཞེས་པ་ཆོས་ཉིད་ལའོ།། ངེས་པ་ཞེས་པ་ནི་མ་ནོར་པའོ།། འགྲེལ་པ་ཞེས་པ་ནི་ཡེ་ཤེས་སོ།། ཞེས་གསུངས་སོ།། རིན་པོ་ཆེ་སྤྱི་གནད་སྐྱོན་སེལ་ཐིག་ལེ་ཀུན་གསལ་གྱི་རྒྱུད་ལས། གནད་འགྲོལ་བའི་ལེའུ་སྟེ་བཅུ
245b6 པའོ།། །། རིན་པོ་ཆེ་སྤྱི་གནད་སྐྱོན་སེལ་ཐིག་ལེ་ཀུན་འདུས་ཀྱི་རྒྱུད་ལེའུ་བཅུ་པ་རྫོགས་སོ།། །། ཨུ་རྒྱན་གྱི་སློབ་དཔོན་པདྨ་འབྱུང་གནས་དང་། ལོ་ཙཱ་བ་སྐ་བ་དཔལ་བརྩེགས་ཀྱིས་བསྒྱུར་ནས།།
iiif viewer powered by OpenSeadragon
