| e-texts navigator |
| Wylie |
243b1 གསུངས་སོ།། ཐིག་ལེ་ཀུན་འདུས་བསྟན་པའི་ལེའུ་སྟེ་བརྒྱད་པའོ།། ། དེ་ནས་གསལ་དངས་རིན་ཆེན་གྱིས།། ཀུན་གསལ་གདམས་ངག་ཇི་ལྟར་ལགས།། ཞེས་ཞུས་པ་དང་། སྟོན་པས་འཁོར་ལ
243b2 བཀའ་སྩལ་པ།། ཀ་དག་ཉིད་ལ་སྨྲར་མེད་ཀྱང་།། བློ་དམན་རྟོགས་པར་བྱ་ཕྱིར་བཤད།། དངོས་མེད་ཀ་དག་རང་བཞིན་ནི།། བརྟག་པར་དཀའ་ཞིང་བསྟན་པར་དཀའ།། བརྗོད་པའི་ཐ་སྙད་བྲལ་ཕྱིར་རོ།། སེམས
243b3 ཉིད་ཀྱི་གཞི་རྩ་རྒྱུད་བཙལ་བའི་ཕྱིར། གང་གིས་རང་ལ་རང་བལྟས་པའི་དུས་ན། ནང་གི་སེམས་མ་མཐོང་། ཕྱིའི་སེམས་མ་མཐོང་། ཕུང་པོ་དང་། ཁམས་དང་། འདུ་བྱེད་ལ་སེམས་མ་མཐོང་ངོ་།། དེས་སེམས་མ
243b4 མཐོང་བ་དང་། སེམས་དེ་གང་ནས་བྱུང་བལྟས་པས། དེའི་ཚེ་སེམས་དེ་གང་ནས་ཀྱང་མ་བྱུང་། གང་དུ་ཡང་མ་སོང་། གང་དུ་ཡང་མི་གནས་པས་ཀ་དག་དངོས་པོ་མེད། སངས་རྒྱས་ཉག་གཅིག་གི་དགོངས་པ་དམ
243b5 པ། སྒྲར་མེད་པ་རྟོག་དཔྱོད་ཐམས་ཅད་དང་བྲལ་བ། འདི་ཞེས་མཚོན་དུ་མེད་པ། རྟག་པར་དཀའ་ཞིང་། བརྟན་པར་དཀའ་ལ། བརྗོད་པའི་ཐ་སྙད་རྣམས་དང་བྲལ་བ། དཔེ་དང་བྲལ་བ་ནམ་མཁའ་ལས་ཀྱང
243b6 བསྐྲུན་དུ་ཡོད་པ་མ་ཡིན་ནོ།། ཚད་མེད་པ། ཚད་དང་བྲལ་བ། ཚད་མའམ། གཏན་ཚིགས་སམ། དཔག་པས་མི་དཔོགས་པ་སྟེ། གང་ལའང་རག་མ་ལས་པས། སེམས་ལ་གནས་མེད་པ། རྟེན་མེད་པ། ཆད་པ་མ
iiif viewer powered by OpenSeadragon
