| e-texts navigator |
| Wylie |
243a1 དངོས་མེད་སེམས་ཡིད་བློས་བཏགས་མེད།། འཁྲུལ་ལོག་རྩད་ཆོད་སྐྱེ་མེད་ཀ་དག་རྟོགས།། མེད་ལས་ཀུན་འབྱུང་ཅིར་ཡང་གྲུབ་པ་མེད།། ཅེས་གསུངས་སོ།། སྤྱིའི་སྐྱོན་སེལ་གྱི་ལེའུ་སྟེ་ལྔ
243a2 པའོ།། །། རྩལ་ཟེར་དང་དངས་ཀྱིས་ཞུས་པ།། ཀ་དག་དྲི་མེད་ཀུན་བཟང་ལ།། ཐིག་ལེ་ཀུན་གསལ་ཇི་ལྟར་གསལ། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། སྐྱེ་མེད་ཀ་དག་ཐིག
243a3 གསལ་ན།། སྣ་ཚོགས་ཐིག་ལེ་མ་འདྲེས་གསལ།། ཐིག་ནི་མི་འགྱུར་ལེ་ནི་ཁྱབ།། ཀ་དག་ཐིག་ལེ་ཀུན་གསལ་ལོ།། ཞེས་གསུངས་སོ།། ཐིག་ལེ་ཀུན་གསལ་བསྟན་པའི་ལེའུ་སྟེ་དྲུག་པའོ།། །། དེ་ནས་ངང
243a4 དངས་ཁྱེའུ་ཆུང་གིས།། རྩོལ་བྲལ་བློ་འདས་ཇི་ལྟར་གསུངས།། ཞེས་ཞུས་པས།། སྟོན་པས་འཁོར་ལ་བཀའ་སྩལ་པ།། རྩོལ་བྲལ་བློ་འདས་ཉན་བཤད་སྒྲ་བརྗོད་མཚོན་དུ་མེད།། ཅེས་གསུངས་སོ།། བྱར་མེད་བློ
243a5 འདས་བཤད་པའི་སྐབས་སྟེ་ལེའུ་བདུན་པའོ།། །། དེ་ནས་ངང་དངས་རིན་ཆེན་གྱིས།། ཐིག་ལེ་ཀུན་འདུས་གང་དུ་འདུས།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། ཀ་དག་དངོས་མེད་ཐིག
243a6 ལེ་ཡིས།། ཐིག་ཕྲན་མ་ལུས་ཀུན་འདུས་སོ།། ཐིག་ནི་སྐྱེ་བ་མེད་ལ་བྱ།། ལེ་ནི་འགག་པ་མེད་པ་ཡིན།། ཀུན་ནི་རྩལ་སྣང་ཐམས་ཅད་དེ།། འདུས་ནི་ཀ་དག་ཆེན་པོར་འདུས།། དེ་ནི་ཐིག་ལེ་ཀུན་འདུས་ཡིན།། ཞེས
iiif viewer powered by OpenSeadragon
