| e-texts navigator |
| Wylie |
23b1 རྣམ་རྟོག་སྡུག་བསྔལ་ཡིན།། དོན་ལ་དབྱེར་མེད་སེམས་ཉིད་ལྷན་གྱིས་གྲུབ།། འདུས་པའི་ཚོགས་ཀྱིས་རང་དོན་ཡིད་ཀྱིས་ཞུས།། སངས་རྒྱས་སེམས་ཅན་རྒྱུ་འབྲས་ཡིན་གྱུར་ན།། སངས་རྒྱས་ལས་བྱུང་རྣམ་གསུམ
23b2 དོན་མེད་འགྱུར།། སེམས་ཅན་ལས་བྱུང་ཚོགས་གཉིས་འདུས་མི་རྟག། ཀུན་རིག་སྟོན་པས་བཀའ་སྩལ་པ།། སངས་རྒྱས་སེམས་ཅན་རྒྱུ་འབྲས་རོ་གཅིག་ཕྱིར།། ལྟོས་པའི་གཅིག་ལ་གཅིག་འབྱུང་མ་ཡིན་ཏེ།། གཉིས
23b3 ཀའི་ངོ་བོར་རང་སེམས་ཆོས་སྐུར་གཅིག། སངས་རྒྱས་སེམས་ཅན་སྐྱོན་ཡོན་རྣམ་པ་གཉིས།། ཆོས་ཉིད་འཁྲུལ་པ་གང་རུང་གཞིར་བཞག་ལ།། གཉིས་ཀ་ལྟར་ཡང་རྩོད་ན་མི་འགལ་ཕྱིར།། མ་རིག་ཡེ་ཤེས་གང་ཟག
23b4 ཕྱོགས་བཟུང་ན།། ཀུན་ཀྱང་ཡིད་ལ་ཐམས་ཅད་མེད་པའི་ཕྱིར།། རྒྱུ་ཡོད་དང་ནི་རྒྱུ་མེད་གང་འཁྲུལ་པ།། གཞི་འཇོག་མ་ནོར་ཤིན་ཏུ་གཅེས་པར་གསུངས།། རྡོ་རྗེ་སེམས་དཔས་འཁོར་གྱི་དོན་ཞུས་པ།། རང་ལ་ཡོད
23b5 ན་མཁས་པས་ཇི་ལྟར་སྟོན།། ཡེ་ནས་ཡོད་ན་མན་ངག་བསྟོན་མི་དགོས།། མེད་ན་རི་བོང་རྭ་བཞིན་རྒྱུ་མི་དམིགས།། ཀུན་རིགས་རྒྱས་པོས་འཁོར་ལ་བཀའ་སྩལ་པ།། ཡེ་ནས་རང་ལ་ཡོད་པའི་ཆོས་སྐུ་ནི།། བླ་མས
23b6 མཚོན་ནས་རང་སེམས་དོན་བསྟན་པས།། མ་རིག་རྣམ་རྟོག་ཆོས་སྐུར་ཤེས་པ་ལས།། ལོགས་ནས་བཙལ་བས་རྙེད་པ་མ་ཡིན་ནོ།། དད་ཉན་འཁོར་གྱི་དོན་ཆེད་ཡིད་ཀྱིས་ཞུས།། བླ་མའི་གདམས་ངག་ཡུལ་ལ་མི
iiif viewer powered by OpenSeadragon
