| e-texts navigator |
| Wylie |
23a1 སེམས་སམ་སེམས་ཉིད་ཡུལ།། ཡུལ་ཉིད་ཡིན་ཕྱིར་ཡུལ་ལ་སྡུག་བསྔལ་རིགས།། སེམས་ཉིད་ཡུལ་ན་རང་སེམས་བེམ་པོར་ཐལ།། སྤང་སྡུད་མི་ཤེས་ཞེན་པ་སྐྱེ་བོའི་བློ།། དེ་ཕྱིར་རྫོགས་ཆེན་ཆོས་སྐུ
23a2 བླ་མེད་གང་།། དེ་ཡང་འདུས་པའི་འཁོར་གྱི་སྙིང་པོ་ཉོན།། ཡུལ་ཉིད་སྤང་སྡུད་ཞེན་པ་རྣམས་ཀྱི་སྐྱོན།། བླང་དོར་མེད་ཕྱིར་གཉེན་པོས་བཙལ་མི་དགོས།། དེ་ཙམ་ཉིད་ན་བསམ་གཏན་མཆོག་གི་ལམ།། དེ་ལ་གཉེན
23a3 པོ་མེད་ཕྱིར་བླ་མེད་ཆོས་ཀྱི་སྐུ།། འདུས་པའི་གཙོ་བོས་ཡང་ཞུས་པ།། བསྒོམ་དུ་ཡོད་མེད་སྒྲོ་སྐུར་མཐར་ལྷུང་ཕྱིར།། བསྒོམ་ཡོད་ཞི་གནས་མཐའ་ལ་ཞེན་པ་སྟེ།། མ་རྟོགས་བསྒོམ་མེད་དོན་གྱི་གདེང་དང་བྲལ།། དེ
23a4 ཕྱིར་མཐའ་ཡི་བལྟ་བ་ནོར་བའི་བློ།། དེ་ཡང་དད་ལྡན་འཁོར་རྣམས་ཡིད་ཀྱིས་ཉོན།། ཨ་ཏིའི་མན་ངག་ཆོས་སྐུའི་སྙིང་པོ་འདི།། བསྒོམས་ཀྱང་འགལ་མེད་རང་སེམས་ནམ་མཁའ་འདྲ།། མ་བསྒོམས་པས་ཀྱང་ཆོས
23a5 སྐུ་སྟོར་བྲལ་མེད།། བྱང་ཆུབ་ལམ་དུ་སེམས་ཉིད་རྟོགས་པ་གཅེས།། རྡོ་རྗེ་སེམས་དཔས་ཡིད་ཀྱིས་དོན་ཞུས་པ།། སངས་རྒྱས་སེམས་ཅན་གཅིག་གམ་ཐ་དད་ལགས།། ཐ་དད་འབྲེལ་མེད་ཐུགས་རྗེས་ཕན་མི
23a6 ནུས།། གཅིག་ན་འགྲོ་དྲུག་སྡུག་བསྔལ་ཅི་ཕྱིར་འབྱུང་།། ཀུན་རིག་སྟོན་པས་བཀའ་སྩལ་ཡིད་ཀྱིས་ཉོན།། དེ་གཉིས་སོ་སོར་སྣང་བ་མ་ཡིན་ཏེ།། རྟོགས་ན་ངོ་བོ་གཅིག་ཕྱིར་ཐུགས་རྗེ་འབྱུང་།། རང་སེམས་མ་རིག
iiif viewer powered by OpenSeadragon
