| e-texts navigator |
| Wylie |
22b1 སྦྲུལ་མིག་གིས་འདོད་པའི་ཡོན་ཏན་ལྔ།། དུས་གཅིག་ཉམས་སུ་མྱོང་བའི་དཔེ་བཞིན་དུ།། ངོ་བོ་ཉིད་ཀྱི་དོན་རྟོགས་ཆོས་ཀྱི་སྐུ།། དེ་དོན་རིག་པ་ལོངས་སྤྱོད་རྫོགས་པའི་སྐུ།། སྣ་ཚོགས་ཉིད་ན་གསལ་ཐེབས་སྤྲུལ
22b2 པའི་སྐུ།། སྐལ་མེད་རྟོགས་པ་དཀའ་ཕྱིར་གསང་བའི་སྐུ།། བློ་དངོས་གཅིག་ཕྱིར་མངོན་པར་བྱང་ཆུབ་སྐུ།། དེ་རྣམས་གཅིག་གི་ཡོན་ཏན་ལྔར་སྣང་བས།། སངས་རྒྱས་འགྲོ་བའི་དོན་བཙལ་མི་དགོས་ཕྱིར།། སེམས
22b3 ཅན་ངོ་ཆད་དམ་དཔྱད། ཉིད་ནས་རང་བྱུང་ཆོས་ཀྱི་སྐུ།། རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས།། ཆོས་སྐུ་རྟོགས་ནས་གཟུགས་སྐུ་འབྱུང་བ་བསྟན་པའི་ལེའུ་སྟེ་སུམ་ཅུ
22b4 པའོ།། །། དེ་ནས་འདུས་པའི་འཁོར་རྣམས་ཀྱིས།། ཐེ་ཚོམ་གེགས་ཆེན་དོན་ཞུས་པ།། འཁོར་འདས་སྤྱི་མཚན་སེམས་ཡིན་ཕྱིར།། རྟོགས་ན་ཀུན་ཀྱང་ཡིན་ཏེ་མ་རྟོགས་མིན།། ཨ་ཏི་ཐེག་ཆེན་སྙིང་པོ
22b5 རྫོགས་གཞི་ལ།། ཡོད་མེད་གང་ཡང་རྟག་ཆད་སྐྱོན་ཡིན་ཕྱིར།། མ་ངེས་རྒྱུ་འབྲས་ལམ་པའི་ཁ་རྗེ་ལ།། སངས་རྒྱས་འབྲས་བུ་མི་ཐོབ་སྙིང་རྗེ་གནས།། དེ་ཡང་འདུས་པའི་འཁོར་རྣམས་ཡིད་ཀྱིས་ཉོན།། འཇིག་རྟེན་པ
22b6 དང་འདུས་པའི་ཆོས་རྣམས་ཀྱི།། གཉིས་ཀའི་གཞི་ནི་ངོ་བོ་ཆོས་སྐུར་ངེས།། ཡུལ་གྱི་སྣང་བ་མ་ངེས་སྣ་ཚོགས་པ།། བླང་དོར་མེད་ཅིང་ཆོས་རྣམས་ལྷུན་གྱིས་གྲུབ།། འདུས་པའི་སྙིང་པོ་དོན་གསོལ་པ།། ཡུལ་ཉིད
iiif viewer powered by OpenSeadragon
