| e-texts navigator |
| Wylie |
22a1 ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། དུག་ལྔ་རང་གྲོལ་བསྟན་པའི་ལེའུ་སྟེ་ཉེར་དགུ་པའོ།། །། དེ་ནས་འདུས་པའི་འཁོར་ལ་བཀའ་སྩལ་པ།། རང་སེམས་ཆོས་སྐུ་ཆེན
22a2 པོར་གསལ་གྱུར་ན།། ཡེ་ཤེས་ཚོགས་ཆེན་རང་རིག་བྱང་ཆུབ་ཐུགས།། དཔེར་ན་རྒྱ་མཚོ་རྙོག་མེད་དངས་གྱུར་ན།། ནམ་མཁའི་གཟའ་སྐར་འབྱུང་བ་མི་འགག་བཞིན།། ཆོས་ཉིད་དང་ལ་ལོངས་སྤྱོད་རིག་པའི
22a3 རྒྱུན།། དེ་ཡི་སྤྲུལ་པ་སྣ་ཚོགས་སྤྲུལ་པའི་སྐུ།། དེ་ཡང་རྡོ་རྗེ་སེམས་དཔའ་ཡིད་ཀྱིས་ཉོན།། ཆུ་ཉིད་ཚགས་ཀྱིས་བཙགས་ཀྱང་གཟུགས་བརྙན་མེད།། དེ་བཞིན་ངོ་བོ་ཉིད་རྟོགས་ཆོས་སྐུ་ལ།། ཀུན་བཟང་ཉིད་ཀྱིས
22a4 ཤེས་བཞིན་གཟུགས་བཅོས་ཀྱང་།། གདོས་པའི་ལུས་ཅན་སངས་རྒྱས་ཉིད་མི་རྙེད།། བསོད་ནམས་ཚོགས་ཀྱིས་སངས་རྒྱས་འབྱུང་བ་མིན།། རིམ་དགུ་སྟོན་པའི་སངས་རྒྱས་གཟུགས་ཀྱི་སྐུ།། མོས་པ་སོ་སོར་འདུལ
22a5 ཕྱིར་སྣང་མོད་ཀྱང་།། བརྒྱུད་ནས་ཆོས་སྐྲ་རྟོགས་པའི་ཐབས་སུ་བསྟན།། སྨོན་ལམ་དབང་གིས་འགྲོ་དོན་བྱེད་འདོད་པ།། འོག་མིན་བློས་བཞག་སངས་རྐུས་ཆོས་སྐ་མིན།། དེ་ཕྱིར་རང་སེམས་མ་རྟོགས་དགེ་བ
22a6 ཡིས།། རྒྱུ་མེད་འབྲས་བུ་མི་འབྱུང་དཔེ་བཞིན་དུ།། བསྐལ་པ་སྟོང་དུ་ཚོགས་བསགས་སྒྲིབ་སྦྱངས་ཀྱང་།། འབྲས་བུ་གཟུགས་སྐུ་སངས་རྒྱས་འབྱུང་མི་འགྱུར།། དེ་ཡང་འདུས་པའི་དད་ལྡན་འཁོར་ཀན་ཉོན།། གསེར
iiif viewer powered by OpenSeadragon
