| e-texts navigator |
| Wylie |
21a1 འདོད་ན་རང་གི་སེམས་ལ་ཚོལ།། སེམས་པ་དོན་རྙེད་ནུས་པའི་རྣལ་འབྱོར་པ།། འཁྲུལ་པ་མེད་ཕྱིར་སེམས་ཅན་འཁོར་བ་མེད།། རང་རིག་རྟོགས་པའི་དོན་ལས་མ་རྟོགས་པ།། བདེ་ཞིང་སྐྱིད་པའི
21a2 སངས་རྒྱས་ལོགས་ན་མེད།། དེ་ཕྱིར་རྒྱུ་ལས་མི་རྩོལ་འབྲས་བུ་ལ།། རེ་དོགས་རྩོལ་བ་རྒྱ་མཚོའི་ཆུ་བོར་ནས།། སྨིག་རྒྱུར་རི་དྭགས་ཆུར་མཐོང་བསྙེགས་པ་བཞིན།། བསྒོམ་མེད་དོན་ཉིད་བོར་ནས་སུ་བསྒོམ
21a3 པ།། བྱང་ཆུབ་མེད་པར་རང་གི་སྡུག་བསྔལ་སྣོན།། དེ་ཡང་རྡོ་རྗེ་སེམས་དཔའ་ཡིད་ཀྱིས་ཉོན།། རང་རིག་དེ་ཉིད་རྟོགས་པའི་རྣལ་འབྱོར་པ།། ཡེ་ཤེས་བཅུད་ཉིད་ཆོས་ཀྱི་གཏེར་དུ་སྨིན།། ནམ་མཁའ་གོ་ཡངས་འབྱུང
21a4 བའི་ལམ་དུ་བདེ།། རྟོགས་པའི་གོ་ཡངས་སངས་རྒྱས་ལམ་དུ་བདེ།། གདམས་ངག་གོ་ཡངས་བསྒོམ་པའི་ལམ་དུ་བདེ།། དུས་གསུམ་འགྱུར་མེད་རང་རིག་ལྟ་བའི་དབྱིངས།། འདོད་དགུ་རང་ལས་ཡོན་ཏན་འཆར
21a5 བའི་ཕྱིར།། རྒྱུ་འབྲས་གཞན་ལ་རག་མ་ལུས་པས་ཟབ།། ཡེ་ནས་ཆོས་ཉིད་ཡེ་ཤེས་རང་བྱུང་ལ།། འཁོར་བར་གནས་ཀྱང་སྒྲིབ་པས་གོས་པ་མེད།། དེ་ཕྱིར་དོན་རྟོགས་ད་ལྟ་ཉིད་ནས་ནི།། ཆོས་སྐུ་མངོན་དུ་གྱུར་པའི
21a6 སངས་རྒྱས་ཡིན།། རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། ཡེ་ཤེས་དོན་ལ་ལ་བཟླ་བའི་ལེའུ་སྟེ་ཉེར་བརྒྱད་པའོ།། །། དེ་ནས་རྡོ་རྗེ་སེམས་དཔས་ཡང་ཞུས་པ།། ངེས་དོན
iiif viewer powered by OpenSeadragon
