| e-texts navigator |
| Wylie |
20b1 འཁོར་རྣམས་ཡིད་ཀྱིས་ཉོན།། ཐེག་པའི་ཁྱད་པར་ཇི་སྙེད་བགྲངས་པ་དང་།། ཚུལ་ཁྲིམས་སྡོམ་དང་ཕྱི་ནང་དམ་ཚིག་ཀྱང་།། འགྲོ་བ་གདུལ་བྱའི་ཇི་ལྟར་འདོད་པར་སྟོན།། ཐ་སྙད་ཙམ་དུ་འདུལ་ཞེས་བྱ་མོད
20b2 ཀྱི།། དམ་དུ་བཅའ་བར་དོན་ལ་རྡུལ་ཙམ་མེད།། དམ་དུ་བཅའ་བ་མེད་པའི་ངང་རྟོགས་ན།། དམ་དུ་བཅས་ཀྱང་སྐྱོན་མེད་ནམ་མཁའ་འདྲ།། འདུས་པའི་རྡོ་རྗེ་སེམས་དཔའ་ད་ཡང་ཉོན།། ཆོས་སྐུ་མི་གཡོ་ཐུགས་ཀྱི
20b3 དམ་ཚིག་སྟེ།། བླང་དོར་མེད་པ་སྤྱོད་པའི་དམ་ཚིག་ཡིན།། རང་སེམས་མི་སྤང་ཡེ་ཤེས་ཆེན་པོར་གནས།། དུས་གསུམ་དོན་དང་མ་བྲལ་ཉམས་པ་མེད།། རྫོགས་པ་ཆེན་པོའི་ལྟ་བ་ཡེ་ཤེས་གཏིང་ནས་རྫོགས་པ་རྒྱུད
20b4 ལས། དམ་ཚིག་བསྲུང་ཉམས་མེད་པར་བསྟན་པའི་ལེའུ་སྟེ་ཉེར་བདུན་པའོ།། །། དེ་ནས་འདུས་པའི་འཁོར་ལ་བཀའ་སྩལ་པ།། ལ་བཟླའ་བ་ཡི་ཡེ་ཤེས་ཆེན་པོ་ནི།། ཀུན་གཞི་གཞི་ཆ་མཁའ་ལ་ཉི་ཤར
20b5 འདྲ།། ཐམས་ཅད་ཀུན་འདུས་རང་སྣང་ཡེ་ཤེས་གསལ།། ཡེ་ནས་བཙལ་མེད་འབྲས་བུ་མངོན་སངས་རྒྱས།། རྒྱལ་བ་ཀུན་གྱི་སྤྱི་མེས་ཆེན་པོ་སྟེ།། གོལ་མེད་གདོད་ནས་དག་པ་ཆོས་ཀྱི་སྐུ།། རང་བྱུང་འགག་པ་མེད
20b6 པ་ཡེ་ཤེས་ཀློང་།། ལམ་ལྔ་མ་བགྲོད་སངས་རྒྱས་ས་ཡི་མཆོག། ཅིར་སྣང་དམིགས་སུ་མེད་པས་རང་བྱུང་སྐུ།། གཞན་ལ་སྨོན་དུ་མེད་པར་རང་ལ་རྫོགས།། ཆོས་སྐུ་འདི་ནི་གཞན་ལས་མ་རྙེད་པས།། རྟོགས་པར
iiif viewer powered by OpenSeadragon
