| e-texts navigator |
| Wylie |
20a1 དཔའི་སྙིང་པོ་དེ་ཉོན་ཅིག། ས་ནི་དང་པོ་འཁོར་བར་མི་ལྡོགས།། སྙིང་པོ་བྱང་ཆུབ་མཆོག་ནི་ཡེ་ཤེས་ན།། གཟའ་ཞིང་བགྲོད་པའི་ཡུལ་ནི་ག་ལ་ཡོད།། བྱར་མེད་རྫོགས་པའི་ངང་དུ་རབ་རྟོགས
20a2 ན།། ལམ་ལ་གཟའ་ཞིང་ས་སྦྱངས་ཡུལ་ལས་འདས།། བགྲོད་མེད་སྙིང་པོ་ལམ་གྱི་མཆོག་སྟོན་པ།། གཞན་ནས་བཙལ་བས་རྙེད་པའི་གནས་མེད་དེ།། ཡེ་ཤེས་ཆེན་པོ་ཀུན་ཏུ་ཁྱབ་གནས་པ།། རང་བྱུང་ཡེ་ཤེས་རང
20a3 རིག་འོད་གསལ་བ། ས་ལམ་བཙལ་དུ་མེད་དེ་སྙིང་པོའི་དོན།། རྣམ་པར་སྣང་མཛད་ཆེ་མཆོག་ཀུན་ཏུ་བཟང་།། དེ་ཡང་རྡོ་རྗེ་སེམས་དཔའ་ཡིད་ཀྱིས་ཉོན།། དཔེར་ན་རྒྱལ་པོ་བཞིན་དུ་མི་འགྲོ་བཞིན།། རང་སེམས
20a4 ཡུལ་ལ་མི་སྤྱོད་དོན་ལ་གནས།། དེ་ཙམ་ཉིད་ནི་ཆོས་སྐུ་བདེ་བའི་ཀློང་།། ས་ལམ་མ་བགྲོད་ཆོས་ཉིད་ཡེ་ཤེས་སྐུ།། ས་དང་ལམ་ལ་ལྟོས་ན་བྱང་ཆུབ་གེགས།། རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི
20a5 རྒྱུད་ལས། ས་ལམ་སྦྱང་དུ་མེད་པའི་ལེའུ་སྟེ་ཉེར་དྲུག་པའོ།། །། དེ་ནས་འདུས་པའི་འཁོར་ལ་བཀའ་སྩལ་པ།། དམ་ཚིག་བསྲུང་ཉམས་མེད་པའི་ཡེ་ཤེས་ནི།། འོག་མ་བཞིན་དུ་དམ་དུ་མ་བཅས
20a6 པས།། ཉམས་པ་མེད་ཕྱིར་ཡེ་བསྲུངས་ཆེན་པོ་ཡིན།། གདེང་ལྡན་བལྟ་བའི་དམ་ཚིག་རྒྱུན་དུ་དྲན།། ཆེད་དུ་མ་ཡིན་རང་རིག་དོན་གསལ་བས།། ཡེ་བསྲུངས་ཆེན་པོའི་བལྟ་བ་དམ་ཚིག་ཡིན།། དེ་ཡང་འདུས་པའི
iiif viewer powered by OpenSeadragon
