| e-texts navigator |
| Wylie |
204b1 ལམ།། རིགས་དྲུག་སེམས་ཅན་རྣམས་ཀྱིས་ངན་བྱེད་ཐབས་བྱས་སམ།། དེ་གཉིས་སྐྱོན་དང་ཡོན་ཏན་ཇི་ལྟར་ལགས།། ཐེག་པ་བརྒྱད་ཁྲི་བཞི་སྟོང་ཕྱེ་བ་གང་ལ་དགོངས།། ཐེག་པ་དགུ་རུ་བསྡུས་པ་དེ།། འདུས་བྱ
204b2 གང་ལ་དགོངས་ནས་བསྡུས།། ཨ་ནུ་མན་ཆད་རྒྱལ་པོ་རྣམས།། སྤང་ངམ་འོན་ཏེ་ཇི་ལྟར་བགྱི།། ཕྱི་པ་མུ་སྟེགས་ཐེག་པ་དེ།། སྤངས་ན་རྫོགས་པར་ཅང་འགྱུར་རམ།། བསྒྲུབས་ན་ཕྱི་རོལ་གསུང་ལ་དགོས་པ
204b3 མེད།། ཐེག་པ་དག་ནི་ཐམས་ཅད་ཀྱི།། གོལ་སྒྲིབ་གདར་ཤ་ཇི་ལྟར་བཅད།། རང་གཞུང་ཉམས་སུ་ཇི་ལྟར་བླང་།། གཞན་གཞུང་ཤེས་པར་ཇི་ལྟར་བྱ།། རང་གཞན་གཉིས་སུ་གསུངས་པ་དེ།། ཁྱད་པར་གང་གིས་ཇི
204b4 ལྟར་འཐོན།། ཞུས་ཚིག་ཉི་ཤུ་རྩ་གཅིག་དེ།། སྟོན་པས་འཁོར་ལ་གསུང་དུ་གསོལ།། བདག་ཅག་འདུས་པའི་འཁོར་རྣམས་ལ།། ཤིན་ཏུ་ཟབ་པར་གསུང་དུ་གསོལ།། ཞེས་ཞུས་སོ།། རིན་ཆེན་སྣང་གསལ་སྤུ་གྲི
204b5 འཁྲུལ་སྣང་རྩད་ནས་གཅོད་པ་ནམ་མཁའ་དང་མཉམ་པའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། དངོས་པོ་གནས་པའི་གནས
204b6 ལུགས་དེ།། བདག་ཅག་རྣམས་ལ་བསྟན་དུ་གསོལ།། ཞེས་གསོལ་པ་དང་། དེ་ནས་མཚོན་མེད་ཀུན་བཟང་དེས།། རིན་པོ་ཆེ་འོད་འབྱེད་པ་མེད་པའི་ཏིང་ངེ་འཛིན་ལ་ཞུགས་སོ།། དེ་ནས་གཉིས་མེད་ཀུན་བཟང
iiif viewer powered by OpenSeadragon
