| e-texts navigator |
| Wylie |
204a1 དང་དོན་གྱི་འཁོར།། འདོད་པས་བསྡུས་པའི་འཁོར་དང་གསུམ།། གཞན་ཡང་འཁོར་ཚོགས་འདི་ལྟ་སྟེ།། རྒྱུ་ཡི་བྱང་ཆུབ་སེམས་དཔའ་དང་།། ལམ་གྱི་བྱང་ཆུབ་སེམས་དཔའ་དང་།། འབྲས་བུའི་བྱང
204a2 ཆུབ་སེམས་དཔའ་དང་།། རྗེས་ཀྱི་རྣལ་འབྱོར་དང་། སེམས་པའི་རྣལ་འབྱོར་དང་། ཡོངས་སུ་རྣལ་འབྱོར་དང་། རྣལ་འབྱོར་ཆེན་པོ་དང་། ཤིན་ཏུ་རྣལ་འབྱོར་དང་། ཡེ་ནས་གནས་པའི་འཁོར་ཡང་འདི་ལྟ་སྟེ། ས་དང
204a3 ཆུ་དང་མེ་དང་རླུང་དང་ནམ་མཁའོ།། དེ་དག་ལ་སོགས་པ་འཁོར་སྣ་ཚོགས་དང་ཐབས་གཅིག་ཏུ་བཞུགས་སོ།། དེ་ནས་ཡང་འཁོར་གྱི་ནང་ནས་རང་གསལ་ཁྱེའུ་ཆུང་བསྟན་ལས་ལངས་ནས། པུས་བཙུགས་ཐལ་སྦྱར
204a4 གུས་པས་འདི་སྐད་གསོལ། ཨ་པི་ར་ཀ་ཏ་གད་ཀ་ཏད་ཨ་ཏི། སྟོན་པའི་རྒྱལ་པོ་སེམས་ཉིད་ཀུན་བཟང་ལགས།། བདག་ཅག་འདུས་པའི་འཁོར་ཚོགས་ཐམས་ཅད་ལ།། དངོས་པོ་ཇི་ལྟར་གནས་པའི་གནས་ལུགས
204a5 དང་།། མ་རྟོགས་སེམས་ཅན་ཇི་ལྟར་འཁྲུལ་ཚུལ་དང་།། འཁྲུལ་སྣང་རྩད་ནས་བཅད་པའི་བཅད་ལུགས་དང་།། ཆོད་ནས་འབྲས་བུ་ཐོབ་པའི་ཐོབ་ལུགས་དང་།། ཐོབ་ནས་མི་འགྱུར་གདེང་གིས་ཟིན་ལུགས
204a6 དང་།། འཁྲུལ་པ་གསལ་ཞིང་ལྡོག་པའི་གདམས་ངག་དང་།། སངས་རྒྱས་རྣམས་ལ་ཡོན་ཏན་ཇི་ལྟ་བུ།། སེམས་ཅན་རྣམས་ལ་སྐྱོན་ནི་ཅི་ཞིག་མཆིས།། ཡེ་ཐོག་སངས་རྒྱས་རྣམས་ཀྱིས་བཟང་བྱས་ལྷ་གསོལ
iiif viewer powered by OpenSeadragon
