| e-texts navigator |
| Wylie |
203b1 རྒྱ་གར་སྐད་དུ། རཏྣ་དཱི་པ་ཀརྟ་རཱི་ཛ་ལ་སརྦ་བྷཱུ་མ་མཱུ་ལཙྪེ་ད་ཨཱ་ཀཱ་ཤ་ས་མ་ཏནྟྲ་ནཱ་མ། བོད་སྐད་དུ། རིན་པོ་ཆེ་སྣང་གསལ་སྤུ་གྲི་འབར་བ་འཁྲུལ་སྣང་ཐམས་ཅད་རྩད་ནས་གཅོད་པ་ནམ་མཁའ་དང་མཉམ
203b2 པའི་རྒྱུད་ཅེས་བྱ་བ། མཚོན་མེད་བརྗོད་འདས་ཆོས་ཀྱི་སྐུ་ལ་ཕྱག་འཚལ་ལོ།། འདི་སྐད་བདག་གིས་རྟོགས་ཤིང་བཤད་པའི་དུས་གཅིག་ན། འོག་མིན་གྱི་གནས་ཆོས་ཉིད་ཀྱི་ཀློང་། ཀུན་གཞིའི་མཁའ་དབྱིངས
203b3 ཡངས་པ་སེམས་ཀྱི་གཞལ་ཡས་ཁང་དབྱིངས་རྣམ་པར་དག་པའི་གནས། རིན་པོ་ཆེ་སྣ་ཚོགས་གཅིག་ཏུ་འདུས་པའི་འོད་ཁང་ཞེས་བྱ་བ་ན། སྟོན་པའི་རྒྱལ་པོ་བསམ་མེད་བརྗོད་འདས་དང་། སྟོན་པའི་རྒྱལ་པོ་བརྗོད
203b4 མེད་བློ་འདས་དང་།། སྟོན་པའི་རྒྱལ་པོ་དྲན་མེད་ཡིད་ལ་བྱར་མེད་གསུམ།། ཡེ་ཐོག་ཡེ་ནས་སྟོན་པ་རྣམ་གསུམ་མོ།། དེ་གསུམ་ཐུགས་ཀྱི་སྤྲུལ་པ་ལས།། ཀུན་ཏུ་བཟང་པོ་རྡོ་རྗེ་སེམས།། དགའ་རབ་རྡོ་རྗེ་གསུམ
203b5 ཡིན་ནོ།། སྟོན་པའི་རྒྱལ་པོ་དྲུག་པོ་ལ།། དྲུང་ན་གནས་པའི་འཁོར་ཡང་འདི་ལྟ་སྟེ།། མ་འགགས་རྒྱ་ཆད་མེད་པའི་འཁོར་དང་། རྩལ་སྣང་ཡན་ལག་འོད་ཀྱི་འཁོར་དང་། སྣང་ཚུལ་ཟེར་གྱི་འཁོར་རྣམས་ནི།། ཡེ་ཐོག
203b6 སྟོན་གསུམ་འཁོར་ཡིན་ནོ།། དེ་གསུམ་ཐུགས་ཀྱི་སྦྲུལ་པ་ལས།། རིག་པའི་འཁོར་དང་ཡིད་ཀྱི་འཁོར།། སེམས་ཀྱི་འཁོར་དང་རྣམ་གསུམ་མོ།། དེ་གསུམ་རྩལ་སྣང་བསྟན་པ་ལས།། རང་བཞིན་འཁོར
iiif viewer powered by OpenSeadragon
