| e-texts navigator |
| Wylie |
203a1 བས་སྒྲིབ་གཉིས་སེལ།། བཀླག་པ་ཙམ་གྱིས་ཚོགས་གཉིས་རྫོགས།། མཐོང་བ་ཙམ་གྱིས་དོན་དང་འཕྲད།། ཟོས་པ་ཙམ་གྱིས་སྤྲོས་ཟག་ཆོད།། བཟུང་བས་ཆོས་ཀུན་བཟུང་དང་མཚུངས།། བསྐལ་པར
203a2 བསགས་པའི་སྒྲིབ་པ་ཡང་།། འདི་ནི་རྣ་བར་ཐོས་པས་སེལ།། མོས་པ་བྱས་པ་ཙམ་ལ་ཡང་།། ས་བཅུའི་སྲས་དང་ཡོན་ཏན་མཉམ།། དོན་རྟོགས་གདེང་དུ་འདི་འཆང་ན།། ཡོན་ཏན་བསམ་དང་བརྗོད་ལས
203a3 འདས།། ཡིད་བཞིན་ནོར་བུ་རིན་ཆེན་འདྲ།། ཞེས་གསུངས་སོ།། རིན་པོ་ཆེ་བདུད་རྩི་བཅུད་ཐིགས་སངས་རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་ལས། ཕྱི་རབས་ཀྱིས་བཟུང་བའི་ཕན་ཡོན་བསྟན་པའི་ལེའུ
203a4 སྟེ་བཅོ་ལྔ་པའོ།། །། རྒྱུད་ཐམས་ཅད་ཀྱི་རྒྱལ་པོ་རིན་པོ་ཆེ་བདུད་རྩི་བཅུད་ཐིགས་སངས་རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་རྫོགས་སོ།། །། ཨུ་རྒྱན་གྱི་མཁས་པ་པདྨ་འབྱུང་གནས་དང་།
203a5 བོད་ཀྱི་ལོ་ཙཱ་བ་སྐ་བ་དཔལ་བརྩེགས་ཀྱིས་བསྒྱུར་ཅིང་གཏན་ལ་ཕབ་པ། རྒྱལ་པོ་ཁྲི་སྲོང་ལྡེའུ་བཙན་ལ་གདམས་པ། ད་ལྟ་སྤེལ་བའི་གནས་མེད་པའི་གཏེར་དུ་སྦས། གཏེར་རྒྱ། སྦས་རྒྱ། གཏད་རྒྱ།། །
iiif viewer powered by OpenSeadragon
