| e-texts navigator |
| Wylie |
202b1 རྒྱ་ཆད་མེད།། ཀུན་བྱུང་རིན་ཆེན་རྒྱུད་ཅེས་བྱ།། བཏགས་ཆགས་བཟུང་ཞེན་ཀུན་བདུད་ལ།། ཀ་དག་ཕྱོགས་བྲལ་རྩིས་འདེབས་པས། བླ་མེད་བདུད་རྩིའི་རྒྱུད་ཅེས་བྱ།། གསང་བདག་ང་ཡི་ཐུགས་ཀྱི་བཅུད།། ཀུན
202b2 རིག་འཁོར་ལ་འདིར་ཐིགས་པས།། སྙིང་པོ་བཅུད་ཐིགས་རྒྱུད་ཅེས་བྱ།། འབྲེལ་དང་མ་ཚང་མེད་རྫོགས་པས།། རྒྱ་མ་ཆད་པས་རྒྱུད་ཅེས་བྱ།། ང་ཡི་སྐུ་གསུང་སངས་རྒྱས་ཀྱི།། དགོངས་པ་ཐམས་ཅད་འདིར་འདུས
202b3 པས།། དགོངས་འདུས་ཆེན་པོའི་རྒྱུད་ཅེས་བྱ།། ཐེག་དགུའི་འདོད་པ་ལ་ཟློས་པས།། བཅུ་རྩེ་སྤྲི་ཏིའི་རྒྱུད་ཅེས་བྱ།། ཕྱི་རབས་རྒྱུད་དག་སྐལ་བར་ལྡན།། ཐོད་རྒལ་བློ་ལྡན་རྣམས་ལ་གཏོད།། ཅེས་གསུངས
202b4 སོ།། རྒྱུད་ཐམས་ཅད་ཀྱིས་རྒྱལ་པོ་རིན་པོ་ཆེ་བདུད་རྩི་བཅུད་ཐིགས་ཀྱི་རྒྱུད་ལས། མཚན་དང་གཏད་རྒྱ་བསྟན་པའི་ལེའུ་སྟེ་བཅུ་བཞི་པའོ།། །། དེ་ནས་ཀུན་རིག་ཁྱེའུ་ཆུང་གིས།། གསང་བདག་སྟོན་པ་ལ
202b5 ཞུས་པ།། སེམས་ཉིད་སྤྱི་ཏིའི་རྒྱུད་ཆེན་རྣམས།། སྟོན་པའི་ཐུགས་ལས་བཅུད་ཕྱུང་ནས།། འདུས་པའི་འཁོར་ཚོགས་རྣམས་ལ་གཏད།། མ་འོངས་ཐ་མའི་དུས་ཀྱི་ཚེ།། མི་མཇེད་སྐལ་ལྡན་སྐྱེས་བུ་ཡིས།། ཚིག་རྒྱུད
202b6 འཛིན་པའི་ཕན་ཡོན་གང་།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། འདི་ཡི་ཕན་ཡོན་བསམ་ཡས་ཏེ།། རེ་ཞིག་མཚོན་པ་ཙམ་བསྟན་པ།། གནས་སུ་བཅང་བས་བར་ཆད་བསྲུངས།། ལུས་ལ་བཅང
iiif viewer powered by OpenSeadragon
