| e-texts navigator |
| Wylie |
202a1 པུར་འདུས།། འདུལ་བྱེད་ཆོས་སྒོ་དཔག་མེད་རྣམས།། བདག་འཛིན་རྩད་ནས་གཅོད་པར་འདུས།། གཅོད་ཚུལ་བསམ་གྱིས་མི་ཁྱབ་ཀྱང་།། བསྡུས་ན་ཐེག་པ་རིམ་དགུར་འདུས།། རིམ་དགུའི་འདོད
202a2 པ་རྣམ་མང་ཡང་།། ཡང་རྩེ་རྫོགས་པ་ཆེན་པོར་འདུས།། ཆོས་སྐུའི་བསྟན་པ་རྫོགས་ཆེན་རྣམས།། སྡེ་གསུམ་ནང་དུ་འདུས་པར་བསྟན།། སེམས་སྡེ་ཀློང་སྡེ་མན་ངག་སྡེ།། དེ་ཡང་རྫོགས་ཆེན་སེམས་སྡེ་ནི།། གཞི་ཉིད
202a3 མདུང་སྒྱུར་ཆེན་པོར་བསྟན།། ཀློང་སྡེའི་རྫོགས་པ་ཆེན་པོ་ནི།། འབྲས་བུ་ཡེ་གྲོལ་ཆེན་པོར་བསྟན།། མན་ངག་སྡེ་ཡི་རྫོགས་ཆེན་ནི།། ལམ་གསུམ་ཐ་དད་ཉིད་དུ་བསྟན།། དེ་དག་ཀུན་གྱི་སྤྱི་ཕུད་ནི།། བཅུ་རྩི་སྤྱི་ཏི
202a4 འདིར་འདུས་ཏེ།། ཐེག་པའི་ཆོས་ཀུན་ལ་བཟླར་བཤད།། ལ་བཟླའི་ཕྱོགས་སུ་རྒྱ་མ་ཆད།། གཉིས་ཀའི་ཕྱོགས་སུ་རྒྱ་མ་ཆད།། གཉིས་མེད་དུ་ཡང་རྒྱ་མ་ཆད།། སྐྱེ་མེད་ཀ་དག་མཐའ་ལས་གྲོལ།། ཞེས་གསུངས
202a5 སོ།། རིན་པོ་ཆེ་བདུད་རྩི་བཅུད་ཟིགས་སངས་རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་ལས། ཆོས་ཐམས་ཅད་ཀྱི་དགོངས་པ་འདུས་པའི་ལ་བཟླ་བའི་ལེའུ་སྟེ་བཅུ་གསུམ་པའོ།། །། དེ་ནས་ཀུན་རིག
202a6 ཁྱེའུ་ཆུང་གིས།། གསང་བདག་སྟོན་པ་ལ་ཞུས་པ།། རྒྱུད་འདིའི་མཚན་དོན་ཇི་ལྟར་གཟུང་།། གཏད་པའི་གནད་ནི་གང་ལ་གཏད།། ཅེས་ཞུས་པས། གསང་བདག་སྟོན་པས་བཀའ་སྩལ་པ།། དགོས་འདོད་ཀུན་འབྱུང
iiif viewer powered by OpenSeadragon
