| e-texts navigator |
| Wylie |
201b1 ཉོན།། སྣང་སྲིད་འཁོར་འདས་ཆོས་རྣམས་ཀུན།། བྱང་ཆུབ་སེམས་ཀྱི་ངང་དུ་འདུས།། འཁྲུལ་སྣང་འཁོར་བའི་སྡུག་བསྔལ་ཀུན།། མ་རིག་གཟུང་འཛིན་གཉིས་ལ་འདུས།། ལོག་པར་ལྟ་བ་མ་ལུས་པ།། རྟག་ཆད
201b2 གཉིས་ཀྱི་ནང་དུ་འདུས།། ཉན་ཐོས་རང་རྒྱལ་དགོངས་པ་ནི།། གཅིག་ཏུ་ཐར་པ་བསྒྲུབ་པར་འདུས།། རྒྱུ་ཡི་ཐེག་ཆེན་དགོངས་པ་ནི།། གཞན་དོན་གཉིས་མེད་སྤྱོད་པར་འདུས།། ཐེག་ཆེན་སྤྱི་ཡི་དགོངས་པ
201b3 ནི།། ཤེས་རབ་སྙིང་རྗེ་ཆེ་ལ་འདུས།། བྱང་ཆུབ་སེམས་དཔའི་ཏིང་འཛིན་རྣམས།། སྣང་ལ་རང་བཞིན་མེད་པར་འདུས།། སྦྲུལ་སྐུ་སངས་རྒྱས་དགོངས་པ་ནི།། མེད་ལས་འདོད་དགུ་འབྱུང་བར་འདུས།། བཀའ་ལུང
201b4 ཀུན་གྱི་ཕྱི་མོ་ནི།། རང་རིག་ཡེ་ཤེས་འདི་ལ་འདུས།། ཕྱི་ཡི་ཡུལ་རྣམས་མ་ལུས་པ།། མ་བཅོས་ཆོས་ཀྱི་དབྱིངས་ལ་འདུས།། ཕྱི་ནང་སྣོད་བཅུད་མ་ལུས་པ།། སྙིང་པོ་ཀུན་ཁྱབ་ཀློང་དུ་འདུས།། གསང་སྔགས་ཕྱི་ནང
201b5 དགོངས་པ་ཀུན།། སྣོད་བཅུད་ཞེན་པ་གྲོལ་ལ་འདུས།། ཁྱད་པར་སྣང་བའི་དགོངས་པ་ཀུན།། བླང་དོར་གཉིས་འཛིན་གྲོལ་ལ་འདུས།། སྐུ་དང་ཡེ་ཤེས་མ་ལུས་པ།། རང་རིག་གསལ་དག་འདི་ལ་འདུས།། ཆོས
201b6 རྣམས་སྤྱི་ཡི་རང་བཞིན་ནི།། སྟོང་ཞིང་བདག་དང་བྲལ་ལ་འདུས།། ཡང་དག་ངེས་དོན་གདམས་ངག་ཀུན།། གསལ་དང་ཡེངས་མེད་ངང་ལ་འདུས།། ཉོན་མོངས་བརྒྱད་ཁྲི་བཞི་སྟོང་རྣམས།། རྩ་བ་ངར་འཛིན་གཅིག
iiif viewer powered by OpenSeadragon
