| e-texts navigator |
| Wylie |
201a1 ཡིན་པས།། བདེན་རྫུན་ཆགས་སྡང་ཀ་ནས་དག། རང་ངོ་མཐོང་ལས་བལྟ་བ་མེད།། གོལ་སྒྲིབ་འཁྲུལ་པ་ཀ་ནས་དག། སེམས་ཉིད་མཐོང་ལས་བསྒོམ་པ་མེད།། བྱིང་རྒོད་བག་ཆགས་ཀ་ནས
201a2 དག། རང་སྣང་གྲོལ་ལས་སྤྱོད་པ་མེད།། བྱ་བཙལ་གཉིས་འཛིན་ཀ་ནས་དག། སྐྱེ་མེད་རྟོགས་པས་དབང་བསྐུར་མེད།། བསྐུར་ཐོབ་རིམ་པ་ཀ་ནས་དག། གཡོ་རྩོལ་བྲལ་ལ་ས་ལམ་མེད།། ལམ་ལྔ་ས་བཅུ་ཀ་ནས
201a3 དག། སྙིང་པོར་གནས་ལ་དམ་ཚིག་མེད།། བསྲུང་ཉམས་མཚན་མ་ཀ་ནས་དག། སྐུ་གསུམ་གཞིར་སྨན་འབྲས་བུ་མེད།། རེ་དོགས་སྨོན་ཐོབ་ཀ་ནས་དག། རང་ངོ་སྤྲད་པས་སངས་རྒྱས་མེད།། སྐྱེ་ཤི་ཐ་སྙད་ཀ་ནས
201a4 དག། སྤྱི་ཏི་རྟོགས་ལ་ཐམས་ཅད་མེད།། མེད་པ་མ་ཡིན་ཐམས་ཅད་རྫོགས།། ཡོད་མེད་གཉིས་མིན་གཅིག་མེད་ཡིན།། མཐའ་བཞིའི་རྒྱལ་ས་རྣམ་པར་གྲོལ།། ཞེས་གསུངས་སོ།། རིན་པོ་ཆེ་བདུད་རྩི་བཅུད་ཐིགས
201a5 སངས་རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་ལས། སྤྱིའི་གེགས་བསལ་ཞིང་ཤན་དབྱེ་ལ་བཟླ་བའི་ལེའུ་སྟེ་བཅུ་གཉིས་པའོ།། །། དེ་ནས་ཀུན་རིག་ཁྱེའུ་ཆུང་གིས།། གསང་བདག་སྟོན་པ་ལ་ཞུས
201a6 པ།། སེམས་ཉིད་བླ་མེད་སྤྱི་ཏི་འདིར།། ཆོས་རྣམས་དགོངས་པ་ཇི་ལྟར་འདུས།། ཞེས་ཞུས་པས། གསང་བདག་སྟོན་པས་བཀའ་སྩལ་པ།། ང་ཡི་བླ་མེད་སྤྱི་ཏི་འདིར།། ཆོས་རྣམས་འདུས་ལུགས་བསྟན་གྱིས
iiif viewer powered by OpenSeadragon
