| e-texts navigator |
| Wylie |
200b1 མཐའ་སྟོངས།། ལྡོག་མེད་བསེ་ཞིང་འབྲས་བུ་འདྲ།། འཁྲུལ་རྩ་རང་འཛིན་རྩད་ནས་བཅད།། སྡོང་པོ་རྩད་ནས་བཅད་པ་འདྲ།། སེམས་ནི་རྣམ་ཤེས་ཚོགས་བརྒྱད་དེ།། འགག་མེད་ནམ་མཁའི་ཆོ་འཕྲུལ
200b2 འདྲ།། སེམས་ཉིད་སྨྲ་བསམ་ཡུལ་འདས་ཏེ།། སྐྱོན་བྲལ་ནམ་མཁའ་དག་པ་འདྲ།། མ་རིག་འཛིན་བྱེད་ཤེས་པ་སྟེ།། མཐོང་མེད་འཛིན་ཡོད་ལོང་བ་འདྲ།། ཡེ་ཤེས་གསལ་དག་ཟང་ག་སྟེ།། མཁའ་ལ་ཉི་མ་ཤར་བ
200b3 འདྲ།། སེམས་ནི་འཁོར་འདས་གཉིས་ཀར་འགྱུར།། རས་དཀར་དྲི་མ་མེད་པ་འདྲ།། བག་ཆགས་འཁོར་བའི་ས་བོན་ཏེ།། མཐོང་མེད་གནོད་པ་འདྲེ་རྐུན་འདྲ།། གཉིས་འཛིན་རྟོག་པ་འཁོར་བ་སྟེ།། ཐོ་ཡོར་མི་རུ
200b4 འཁྲུལ་པ་འདྲ།། དེ་ཉིད་གྲོལ་བ་མྱང་འདས་ཏེ།། འཁྱག་རོམ་ཆུ་རུ་ཞུ་བ་དང་།། བལྟ་མཁན་ངོས་ཟིན་གྲུབ་མཐའ་སྟོར།། གཞི་མེད་པར་སྣང་ནམ་མཁའ་འདྲ།། སྒོམ་མཁན་ངོས་ཟིན་རང་སར་གྲོལ།། ཆུ་བུར་ཆུ
200b5 ལ་ཐིམ་པ་འདྲ།། སྤྱོད་མཁན་ངོས་ཟིན་མཚན་མ་སངས།། རང་གི་རོལ་པ་གར་མཁན་འདྲ།། སྒྲུབ་མཁན་ངོས་ཟིན་འདུ་འབྲལ་མེད།། མོ་གཤམ་བུ་ཡི་ཆུང་མ་འདྲ།། འབྲས་བུ་ངོས་ཟིན་རེ་དོགས་ཆད།། རྒྱལ
200b6 སྲིད་ཐོབ་པའི་རྒྱལ་པོ་འདྲ།། དེ་ལྟར་བསྟན་པ་ཐམས་ཅད་ཀྱང་།། ཅང་མེད་ཅིར་སྣང་རང་སར་གྲོལ།། དབྱིངས་ལས་མ་རྟོགས་ཡུལ་མེད་པས།། དངོས་པོའི་མཚན་མ་ཀ་ནས་དག། ཆོས་ཀུན་བཏགས་ཆགས་མིང
iiif viewer powered by OpenSeadragon
