| e-texts navigator |
| Wylie |
200a1 པ་ལ་ཞུས་པ།། གེགས་སེལ་ཤན་འབྱེད་ལ་བཟླ་བ།། དགུ་རྩེ་སྤྱི་ཡི་མན་ངག་གང་།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། སྤྱི་ཡི་ཞུས་དོན་བཤད་ཀྱིས་ཉོན།། གནས་ལུགས་གཏན་ལ
200a2 མ་ཕེབས་ན།། བྱ་སྒོ་རླུང་གིས་ཁྱེར་བ་འདྲ།། ཀུན་གཞི་ཆོས་སྐུ་མ་ཕྱེད་ན།། ཆུ་དང་འོ་མ་འདྲེས་པ་འདྲ། འཁྲུལ་པ་རྩད་ནས་མ་ཆོད་ན།། ལྗོན་ཤིང་ཡལ་ག་བྲེགས་པ་འདྲ།། སེམས་དང་སེམས་ཉིད་མ་ཕྱེད་ན།། བུ
200a3 རམ་སྦྲང་རྩི་འདྲེས་པ་འདྲ།། མ་རིག་ཡེ་ཤེས་མ་ཕྱེད་ན།། གསེར་དང་གཡའ་རུ་འདྲེས་པ་འདྲ།། སེམས་དང་བག་ཆགས་མ་ཕྱེད་ན།། དུག་དང་སྨན་དུ་འདྲེས་པ་འདྲ།། འཁོར་འདས་བྱེ་བྲག་མ་ཕྱེད་ན།། མཁའ་ལ
200a4 བགྲོད་པར་འདོད་པ་འདྲ།། བལྟ་མཁན་རང་ངོས་མ་ཟིན་ན།། དམུས་ལོང་ཐང་སྟོང་བོར་བ་འདྲ།། སྒོམ་མཁན་རང་ངོས་མ་ཟིན་ན།། རི་དྭགས་སྨིག་རྒྱུ་བསྙེགས་པ་འདྲ།། སྤྱོད་མཁན་རང་ངོ་མ་ཤེས་ན།། རི་དྭགས
200a5 ལ་ཚུད་པ་འདྲ།། སྒྲུབ་མཁན་རང་ངོ་མ་ཟིན་ན།། ཁྱུང་ཆེན་ནམ་མཁའི་མཐའ་ཚོལ་འདྲ།། འབྲས་བུ་རང་ངོས་མ་ཟིན་ན།། རྒྱལ་བུ་གང་འཁྱམས་སྐྲོད་པ་འདྲ།། གནས་ལུགས་ཕྱོགས་བྲལ་ཀུན་རྫོགས
200a6 ཀྱང་།། རྒྱ་ཆད་མེད་པས་ནོར་བུ་འདྲ།། དབྱིངས་ཀྱི་ཀློང་ལས་འདས་པ་མེད།། མཁའ་ལ་བྱ་ཡིས་ཕུར་པ་འདྲ།། ཀུན་གཞི་འཁོར་འདས་འབྱུང་གཞིར་ཡོད།། ཀུན་འབྱུང་རྒྱལ་པོའི་བང་མཛོད་འདྲ།། ཆོས་སྐུ་སྐྱེ་མེད་མུ
iiif viewer powered by OpenSeadragon
