| e-texts navigator |
| Wylie |
1b1 རྒྱ་གར་སྐད་དུ། མ་ཧཱ་སརྦྦ་བིདྱཱ་ཏ་མཿཔྲ་ཏུ་དེ་ཤ་དྲྀཥྚི་ཛྙཱ་ན་ནིམྦྷ་པཱ་ར་ཎ་ཏནྟྲ་ནཱ་མ། བོད་སྐད་དུ། རྫོགས་པ་ཆེན་པོ་མ་རིག་མུན་པ་རབ་ཏུ་སེལ་བར་བྱེད་པའི་ལྟ་བ
1b2 ཤེས་གཏིང་ནས་རྫོགས་པའི་རྒྱུད་ཅེས་བྱ་བ། བཅོམ་ལྡན་འདས་དཔལ་ཀུན་རིག་ཆོས་ཀྱི་རྗེ་ཡེ་ཤེས་ཀྱི་སྐུ་དང་ལྡན་པ་དེ་ལ་ཕྱག་འཚལ་ལོ།། འདི་སྐད་གོ་ཞིང་རྟོགས་པའི་དུས་གཅིག
1b3 ན།། ཡེ་ནས་རང་བྱུང་ཀུན་རིག་རྒྱལ་པོ་དེ།། འཁོར་འདས་དོན་གྱི་གནས་ཆེན་དུ།། རང་གིས་རིག་ཅིང་ཡིད་ཆེས་དད་ལྡན་འཁོར།། གང་ཡང་མི་བརྗོད་བསྟན་པ་ལྷུན་གྱིས
1b4 བཞུགས།། སངས་རྒྱས་སེམས་ཅན་ངོ་བོ་ཉིད་ལས་བྱུང་།། ཆོས་རྣམས་ཀུན་གྱི་གཡོ་མེད་རང་བྱུང་སྐུ།། དེ་ཉིད་རང་རིག་རྟོགས་པས་ཀུན་ཏུ་བཟང་།། རང་གི་ངོ་བོ་ཡེ་ཤེས་སྟོན་པའི
iiif viewer powered by OpenSeadragon
