| e-texts navigator |
| Wylie |
19b1 དང་གཞན་དུ་རྟོགས་པ་མེད་པའི་ཕྱིར།། ཡེ་ནས་གཉིས་མེད་དོན་གཅིག་ཆོས་ཀྱི་སྐུ།། མཐུན་འཇུག་མཚན་མར་སྤྱོད་པ་རྒྱ་མཚོར་ནི།། ཐུགས་རྗེ་ཆེན་པོའི་འགྲོ་དོན་རྫོགས་པར་མཛད།། རང་བྱུང་ཡེ་ཤེས་དབྱིངས
19b2 ལས་མ་གཡོས་ཀྱང་།། འགྲོ་བའི་དཔལ་མགོན་ཀུན་ཏུ་བཟང་པོ་སྟེ།། བདག་དང་གཞན་དོན་བླང་དོར་མེད་པའི་ཕྱིར།། སྤྱོད་པ་རྒྱ་མཚོར་སྣ་ཚོགས་ཅི་བདེར་སྤྱོད།། པདྨོ་སྐྱེ་བའི་རྒྱུ་ནི་འདམ་ཡིན་ཏེ།། དེ་ལ་འདམ་གྱི
19b3 སྐྱོན་གྱིས་མ་གོས་བཞིན།། ཆོས་ཉིད་བླང་དོར་མེད་པར་རྟོགས་གྱུར་ན།། ཡེ་ཤེས་རྟོག་མེད་ཉམས་པ་རྡུལ་ཙམ་མེད།། ཐུན་མཚམས་མི་བསྒོམ་རྒྱུན་གྱི་རྣལ་འབྱོར་ལ།། འཆིང་གྲོལ་སྤྱོད་པ་མེད་ཕྱིར་གོལ་ས
19b4 མེད།། རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། སྤྱོད་པ་འཆིང་གྲོལ་མེད་པར་བསྟན་པའི་ལེའུ་སྟེ་ཉེར་ལྔ་པའོ།། །། ཀུན་རིག་སྟོན་པ་ཆོས་རྗེས་བཀའ་སྩལ་པ།། བདེ
19b5 གཤེགས་མྱ་ངན་འདས་པ་ངེས་པའི་དོན།། ས་ལམ་ཡང་དག་ཆོས་སྐུ་གཅིག་ལས་མེད།། གོང་འོག་ཉེ་རིང་ཡོད་པར་གསུངས་པ་ཡང་།། བློ་དམན་དྲང་བའི་དོན་དུ་བཤད་པ་ཡིན།། འདུས་པའི་འཁོར་རྣམས་ཡིད་ཀྱིས
19b6 ད་ཉོན་ཅིག། ས་མེད་རྫོགས་ཆེན་ཆོས་སྐུ་ཡེ་ཤེས་ས།། གར་ཡང་མི་འགྲོ་ས་མཆོག་སྦྱོར་ཆོད་པ།། བགྲོད་མེད་སེམས་གཉིས་ཡེ་ཤེས་མཆོག་གི་ལམ།། ཡེ་ཤེས་ཆོས་སྐུ་མཐར་ཕྱིན་ཆོས་ཉིད་ས།། རྡོ་རྗེ་སེམས
iiif viewer powered by OpenSeadragon
