| e-texts navigator |
| Wylie |
199b1 བའི་ཞིང་ཁམས་ལ།། འཁོར་འདས་གཉིས་འཛིན་རང་སངས་བཞག། ཅིར་སྣང་སྐྱེ་མེད་ཆོས་སྐུ་ལ།། སྐྱེ་འཆི་འཕོ་འགྱུར་མེད་པར་བཞག། མཁའ་གསལ་རང་དངས་ཡེ་ཡིན་ལ།། དབང་བཞི་བསྐུར་ཐོབ་མིན་པར
199b2 བཞག། ཅིར་སྣང་གསལ་སྟོང་དུས་མཉམ་ལ།། སྐྱོན་ཡོན་སྤང་བླང་མེད་པར་བཞག། སྙིང་པོ་མཐོང་རྟོགས་དུས་མཉམ་ལས།། ཞེ་འདོད་ལྟོས་པ་མེད་པར་བཞག། འགག་མེད་ཐོལ་བྱུང་ཀློང་ཐིམ་ལ།། གོལ་སྒྲིབ
199b3 བྱིང་རྒོད་གསལ་བ་མེད།། གཞན་སྐྱོན་སེལ་མེད་ཀ་དག་ལ།། ངན་རྟོག་དགག་ཏུ་མེད་པར་བཞག། ངང་དངས་ཡེ་ཤེས་རྒྱུ་མ་ལ།། མཉམ་རྗེས་ཐུན་མཚམས་མེད་པར་བཞག། དམིགས་འཛིན་གཟའ་གཏད་བསམ
199b4 བྲལ་ལ།། བསྒོམ་བྱ་སྒོམ་བྱེད་མེད་པར་བཞག། ཕྱོགས་མེད་རང་ཤར་མཐའ་སྟོངས་ལ།། གཞན་དུ་བཀོལ་བ་མེད་པར་བཞག། ཡེ་ནས་གཏད་མེད་ཟང་ཐལ་ལ།། གོམ་འདྲིས་ཀ་དག་རྣམ་པར་བཞག། རྒྱུ་རྐྱེན
199b5 འཕེལ་འགྲིབ་མིང་མེད་ལ།། དགེ་སྡིག་བློ་ལས་གྲོལ་བར་བཞག། གཞག་བྱ་འཇོག་བྱ་མཚོན་པ་ཉིད།། མིང་འདོགས་མཐའ་ལས་འདས་པ་སྟེ།། མཐའ་ལྔའི་རྒྱ་ལས་གྲོལ་བའོ།། ཞེས་གསུངས་སོ།། རིན་པོ་ཆེ་བདུད
199b6 རྩི་བཅུད་ཐིགས་སངས་རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་ལས། བཞག་ཏུ་མེད་པའི་བཞག་ཐབས་མཚོན་པའི་ལེའུ་སྟེ་བཅུ་གཅིག་པའོ།། །། དེ་ནས་ཀུན་རིག་ཁྱེའུ་ཆུང་གིས།། གསང་བདག་སྟོན
iiif viewer powered by OpenSeadragon
