| e-texts navigator |
| Wylie |
199a1 རྣམས།། ཡུལ་མེད་སྣང་གྲོལ་རང་སར་བཞག། དབྱིངས་ལས་ཤར་བའི་རིག་པ་འདི།། མ་བུ་དབྱེར་མེད་རང་སོར་བཞག། སྒོ་ལྔའི་རྣམ་ཤེས་རང་བྱུང་འདི།། འཇའ་ལྟར་མཁའ་ལ་རང་ཡལ
199a2 བཞག། དགོངས་པ་ཕྱོགས་མེད་མཐའ་གྲོལ་ལ།། ཡངས་དོག་རྒྱ་ཆད་མེད་པར་བཞག། ཀུན་གཞི་མཁའ་ལྟར་དག་པ་ལ།། ཡིད་གཉིས་འགྱུ་སྟོང་རྗེས་མེད་བཞག། སྣང་ཡུལ་མེ་ལོང་ལྟར་གསལ་ལ།། སྐྱེན་སྣང་སྐྱེ
199a3 མེད་རང་གྲོལ་བཞག། གནས་ལུགས་འདུ་འབྲལ་གནས་མེད་པས།། གང་ནས་བཙལ་མེད་ངང་དུ་བཞག། སྒྲིབ་གཉིས་ཡེ་ནས་རང་དག་པས།། བླང་དོར་དབྱེ་བསལ་མེད་པར་བཞག། རང་བྱུང་ཡེ་ཤེས་རང་ཤར
199a4 བས།། བཙལ་སེམས་སྒྲིབ་པ་མེད་པར་བཞག། འཁོར་འདས་ཆོས་ཀུན་ཡེ་གྲོལ་ལ།། གྲོལ་འདོད་འཆང་བ་མེད་རང་བཞག། གདོད་དག་སྐྱོན་བྲལ་མཐོང་མེད་ལ།། འདོད་རློམས་རྩིས་གདབ་མེད་པར་བཞག། སྐུ
199a5 གསུམ་རེ་མེད་རང་གནས་ལ།། བསྒྲུབ་འདོད་རེ་སྨོན་མེད་པར་བཞག། ས་ལམ་བགྲོད་མེད་གཅིག་རྫོགས་ལ།། བགྲོད་མེད་རང་བརླག་ཆེན་པོར་བཞག། སེམས་ཉིད་མཚོན་འདས་བླ་མེད་ལ།། དཔེ་དོན་མཚོན
199a6 བརྗོད་མེད་པར་བཞག། ཆོས་དབྱིངས་གཏིང་ཡངས་མཐའ་གྲོལ་ལ།། མཐའ་ཐུག་རྩལ་དང་བྲལ་བར་བཞག། དམ་ཚིག་བསྲུང་མཚམས་ཕྱོགས་མེད་ལ།། གཉིས་འཛིན་སྒྲིབ་པ་མེད་པར་བཞག། སྣོད་བཅུད་རྒྱལ
iiif viewer powered by OpenSeadragon
