| e-texts navigator |
| Wylie |
198b1 ཆེན་པོའི་ཀློང་།། གཞི་འདས་སྐྱེ་མེད་ཀུན་མཁྱེན་ཐུགས།། མཚོན་འདས་བསམ་རྡུགས་ཕྱོགས་བྲལ་དོན།། སྐུ་འདས་མིང་མེད་མཐའ་སྟོངས་སུ།། ཆོས་སྐུ་རྒྱ་ཆད་མེད་པར་ཐིམ།། རྩིས་གདབ་དབྱེ་བསལ་ཡུལ་ལས
198b2 འདས།། ཞེས་གསུངས་སོ།། རིན་པོ་ཆེ་བདུད་རྩི་བཅུད་ཐིགས་སངས་རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་ལས། ཆོས་འདས་དོན་གྱི་སྐུ་གསུམ་རང་ངོ་སྤྲད་པའི་ལེའུ་སྟེ་བཅུ་པའོ།། །། དེ་ནས་གསང
198b3 བདག་སྟོན་པ་ཡིས།། འདུས་པའི་འཁོར་ལ་བཀའ་སྩལ་པ།། སྤྱི་ཏིའི་དོན་ལ་གཞག་པ་ནི།། གཞག་བྱ་འཇོག་བྱེད་ཀ་དག་ཀྱང་།། རེ་ཞིག་མ་རྟོགས་བློ་ཅན་ལ།། ཆོས་འདས་དོན་ལ་བཞག་ཐབས་བསྟན།། མཁའ
198b4 གསལ་དཔེ་ནི་ནམ་མཁའ་ལ།། འཆར་སྒོ་གསལ་བྱེད་མི་བསྐྱོད་བགྲད།། ཀ་དག་དོན་གྱི་ཆོས་ཉིད་ལ།། སེམས་ཀྱིས་འཛིན་པ་མེད་པར་བཞག། ཆོས་དབྱིངས་གསལ་ཁྱབ་དངས་པ་ལ།། རིག་པ་གཏིང་གསལ་ཆེན
198b5 པོར་བཞག། མ་བཅོས་སྤྲོས་བྲལ་ཀློང་ཡངས་སུ།། འགྱུར་བ་དངས་སངས་ཆེན་པོར་བཞག། འགག་མེད་རྩལ་གྱི་རང་འོད་རྣམས།། ཚོར་བ་རྗེས་མེད་རང་སར་བཞག། ངང་དངས་ཀུན་ཁྱབ་ཟང་ཐལ་ལ།། ཆོས་སྐུ
198b6 གཅེར་བུ་ཀློང་དུ་བཞག། ཆོས་དབྱིངས་སྣང་གསལ་དཀྱིལ་འཁོར་དུ།། བསམ་བྲལ་སྟོང་པ་ཧལ་པོར་བཞག། གཉིས་མེད་ཐིག་ལེ་ཉག་གཅིག་ལ།། ཤེས་རབ་རང་བརྡོལ་ཆེན་པོར་བཞག། ཅང་མེད་ཅིར་སྣང་རོལ་པ
iiif viewer powered by OpenSeadragon
