| e-texts navigator |
| Wylie |
197b1 འདིར།། ཡེ་གྲོལ་ཕྱོགས་མེད་ཀ་ནས་དག། ཡེ་གྲོལ་ཀུན་རྫོབ་རང་བཞིན་ལ།། བསྟན་བྱ་སྟོན་བྱེད་གཉིས་མེད་ཀྱང་།། སྐལ་ལྡན་མ་རྟོགས་དོན་མཚོན་ཕྱིར།། ངོ་སྤྲོད་གདམས་པ་བསྟན་གྱིས་ཉོན།། སེམས་ཉིད
197b2 གདོད་ནས་ཆོས་སྐུ་འདི།། དང་པོའི་བྱུང་ས་མ་ཤེས་ན།། མ་བུ་རང་ངོ་མི་འཕྲོད་དེ།། དམུས་ལོང་སྣང་མེད་འཁྱམས་པ་འདྲ།། ད་ལྟ་གནས་ས་མ་ཤེས་ན།། སྙིང་པོའི་ཁྱེར་ལུགས་མི་ཤེས་པས།། བྲ་བྱི་འཚང་སྒོ་སྟོང་པ
197b3 འདྲ།། ཐ་མ་ཐིམ་ས་མ་ཤེས་ན།། དོན་ལ་ངེས་ཤེས་མི་ཐོབ་སྟེ།། ཁ་དྲག་ལམ་དུ་ཕྱིན་པ་འདྲ།། དེས་ན་དང་པོ་བྱུང་ས་ནི།། ཆོས་དབྱིངས་བརྡལ་བ་ཆེན་པོ་ཡི།། རིན་ཆེན་འོད་འབར་གཞལ་ཡས་ཁང་།། སྐྱེ་མེད་ཀ
197b4 དག་ཉིད་དུ་བྱུང་།། བར་དུ་གནས་ས་བསྟན་པ་ནི།། ཙིཏྟ་རིན་ཆེན་གཞལ་ཡས་ཁང་།། རྩ་བརྒྱད་དངས་མ་ལྔ་ཡི་དབུས།། ཀུན་གཞི་འོད་ཀྱི་གཞལ་ཡས་ཁང་།། ཆོས་དབྱིངས་གཏིང་གསལ་གཡོ་མེད་ན།། ཕྱི་ནང
197b5 གསང་བའི་འཁོར་ཚོགས་དང་།། འདུ་འབྲལ་མིང་འདོགས་མི་བྱེད་པར།། དུས་གསུམ་དུས་མེད་རྒྱུན་གནས་སུ།། དོན་གྱི་སྟོན་པ་སྐུ་གསུམ་ནི།། གཡོ་མེད་རྩིས་གདབ་མེད་པར་བཞུགས།། དེ་ཉིད་རང་ངོ་སྤྲོད
197b6 པའི་ཐབས།། སྣོད་བཅུད་ལྡན་པའི་དཔོན་སློབ་གྱིས།། རྐྱེན་མེད་དབེན་པའི་གནས་སུ་འགྲོ།། ལུས་ངག་ཡིད་གསུམ་བྱ་བ་བཏང་།། སྣང་ཚུལ་རོལ་པའི་སྐུར་གནས་མཆོད།། ལུས་ངག་ཡིད་གསུམ་རང་རིག
iiif viewer powered by OpenSeadragon
