| e-texts navigator |
| Wylie |
197a1 ཀྱིས་རང་ཉིད་འཆིངས།། ཐོག་མཐའི་རྩིས་གདབ་མ་གྲོལ་ན།། ཆོས་ཉིད་འགྱུར་བའི་སྐྱོན་དུ་གོལ།། འཁོར་འདས་ཀ་ནས་མ་དག་ན།། སྣང་བ་ངེས་པ་མེད་པར་འགྱུར།། གདེང་དུ་མ་གྱུར་ཐེ་ཚོམ
197a2 ན།། གོལ་སྒྲིབ་འཁྲུལ་པའི་འཕྲང་མི་ཆོད།། རེ་དོགས་སྤང་བླང་མ་ཆོད་ན།། རྒྱུ་འབྲས་དམན་པའི་ལམ་དུ་གོལ།། གཡོ་མེད་ཕྱོགས་འཛིན་མ་སྟོངས་ན།། ཇི་ལྟར་འབད་ཀྱང་རྟག་ཆད་ཉིད།། མིང་མེད་མཐའ་སྟོངས
197a3 མ་རྟོགས་པར།། རྒྱུ་འབྲས་རིམ་དགུར་སྤྱོད་པ་སྡུག། རང་དངས་འབྲལ་མེད་མི་ཤེས་པར།། མཉམ་བཞག་རྗེས་ཐོབ་སྙིང་རྗེའི་ཡུལ།། སྐྱེ་ཤིའི་གཞི་རྩ་མཆོད་ན།། ཚོགས་གཉིས་བསགས་སྦྱངས་བདག་འཛིན
197a4 གྲོགས།། བླ་མེད་སྤྱི་ཏི་མ་རྟོགས་ན།། སྣང་བརྟགས་ཞེན་གསུམ་ལས་མི་གྲོལ།། དེ་ན་ཀུན་རིག་ཁྱེའུ་ཆུང་ཁྱོད།། ཟང་ཐལ་འཛིན་མེད་ཆོས་འདས་སུ།། ཕྱོགས་འཛིན་སྤྲོས་ཐག་ཆོད་པར་གྱིས།། གཞི་ཡི་ཆོས་རྣམས
197a5 རླུང་ལ་བསྐུར།། ལམ་ཀྱི་ཆོས་རྣམས་ཕྱགས་མས་ཐོབ།། འབྲས་བུའི་ཆོས་རྣམས་ཆུ་ལ་འཕོས།། གྲུབ་མཐའ་སྤྱི་མེས་དུར་དུ་སྒྲོལ།། ཞེས་གསུངས་སོ།། རིན་པོ་ཆེ་བདུད་རྩི་བཅུད་ཐིགས་སངས་རྒྱས་ཐམས་ཅད་ཀྱི
197a6 དགོངས་པ་འདུས་པའི་རྒྱུད་ལས། སྠི་ཏི་མ་རྟོགས་པའི་སྐྱོན་ངོས་བཟུང་ཞིང་ལ་བཟླ་བའི་ལེའུ་སྟེ་དགུ་པའོ།། །། དེ་ནས་གསང་བདག་སྟོན་པ་ཡིས།། འདུས་པའི་འཁོར་ལ་བཀའ་སྩལ་པ།། ང་ཡི་བླ་མེད་སྤྱི་ཏི
iiif viewer powered by OpenSeadragon
