| e-texts navigator |
| Wylie |
196b1 གང་།། ངོ་སྤྲོད་གནད་ཀྱི་ཇི་ལྟར་སྤྲད།། དོན་གྱི་ཀློང་དུ་བཞག་ཐབས་གང་།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། ཁྱོད་ཀྱིས་དེ་ལྟར་ཞུས་པ་ལེགས།། ཚིག་ཏུ་མཚོན་གྱིས་ལེགས་པར་ཉོན།། མ
196b2 རྟོགས་ཚིག་ལ་འབྱམས་པ་འདིས།། སྤྱི་ཏི་མི་མཐོང་འཁོར་བར་འཁྱམས།། འཁོར་བའི་མཚན་ཉིད་མ་ཤེས་ན།། འཁྲུལ་སྣང་འདི་ལ་བློ་མི་བཟློག། འཇིག་རྟེན་བྱ་བ་མ་བཏང་ན།། བདེ་ཆེན་རྣམ་གྲོལ་ལམ་མི
196b3 རྙེད།། དུག་ལྔ་རང་སར་མ་ཟད་ན།། རིག་པ་འཆིང་བ་ལས་མི་གྲོལ།། དྲན་རིག་དབྱིངས་སུ་མ་ཐིམ་ན།། ཆེ་བའི་ཡེ་ཤེས་དོན་མི་རྙེད།། རང་སྣང་རང་སར་མ་གྲོལ་ན།། སྐྱེ་མེད་ཆོས་སྐུའི་ངོ་མི་མཐོང་།། འཁོར་འདས
196b4 ཀློང་དུ་མ་གྲོལ་ན།། སྣང་སྲིད་གཉིས་འཛིན་འཕྲང་དུ་ཆུད།། གནས་ལུགས་རང་ངོ་མ་ཤེས་ན།། བསྐལ་པར་བཙལ་ཡང་རང་ཚི་ཆད།། རང་བྱུང་རྟེན་དང་མ་བྲལ་ན།། ཕུག་པས་རི་རྡིབ་བརྟེན་རྗེ་ཕུང་།། འདུ་འབྲལ
196b5 མེད་པར་མ་རྟོགས་ན།། གཞན་ནས་ཐོབ་བྱེད་ནོར་བའི་ལམ།། ཀུན་བཟང་ཆོས་འདས་མ་ཤེས་ན།། བཟང་བརྩོན་སངས་རྒྱས་འཕྲང་དུ་ཆུད།། ཤེས་རིག་སྟོང་སངས་མ་གྲོལ་ན།། འཁོར་བ་དོང་ནས་སྐྲག་མི
196b6 ནུས།། རྒྱལ་སྲས་རང་རིག་མ་ཤེས་ན།། སྲིད་པའི་མཚོ་ལས་སྒྲོལ་མི་ནུས།། དོན་མེད་བསྒོམ་མེད་གཞིར་འཇོག་པ།། རང་རྒྱུད་ཐ་མལ་ལས་མི་འཕགས།། ཏིང་འཛིན་བསམ་གཏན་ལམ་འཛིན་པ།། འགྲོ་འདོད་ཆོས
iiif viewer powered by OpenSeadragon
