| e-texts navigator |
| Wylie |
196a1 རྒྱའི་སྤྱི་མདུད་བཅད་པ་འདྲ།། ཉོན་མོངས་བརྒྱད་ཁྲིའི་དམག་དཔུང་འདི།། རྟེན་པ་མེད་པར་རང་བརླགས་པས།། འཁོར་བའི་གཡུལ་ངོ་མ་ལུས་བཟློག། རྡོ་ཚན་ཁ་བ་བབས་པ་འདྲ།། སྣང་བརྟགས
196a2 གཟུང་ཞེ་ན་སྤྲོས་པ་འདི།། མཐའ་གསལ་བར་སྣང་རང་བཅད་དེ།། བདག་གཞན་ཕྱོགས་བྲལ་མིང་མེད་པ།། མཚོན་ཆའི་འཁོར་ལོ་བསྐོར་བ་འདྲ།། དྲང་དོན་ཐེག་པའི་བྱ་བཙལ་འདི།། བླང་དོར་མེད་པར་རང་བཞག
196a3 པས།། དགེ་སྡིག་ལས་ཀྱི་མཐའ་ལས་གྲོལ།། མཁའ་ལ་མདུད་པ་བོར་བ་འདྲ།། བཙལ་མེད་ཤུགས་འབྱུང་ཐུགས་རྗེ་འདི།། འགག་པ་མེད་པར་རང་འཆར་བས།། རྩོལ་བའི་ཕྲིན་ལས་སྤྱད་དུ་མེད།། ནམ་མཁའི་ངང
196a4 ནས་ཆོ་འཕྲུལ་འདྲ།། ཡང་དག་ངེས་དོན་གནས་ལུགས་ལ།། འདྲ་བཞི་ཕྱོགས་མཐུན་དང་པོ་ཡི།། རང་ངོར་དཔེ་ཡིས་མཚོན་ཚུལ་འདས།། ང་ཡི་དགུ་རྩེའི་སྤྱི་ཏི་འདིར།། སྤྲོས་པ་རང་གི་ཐོག་ཏུ་བཅད།། རང་ངོ་རང
196a5 གིས་རང་ལ་སྤྲད།། རང་གདང་རང་གྲོལ་ཐོག་ཏུ་བཅའ།། ཆོས་འདས་རང་ལ་རང་གིས་བཟླའོ།། ཞེས་གསུངས་སོ།། རིན་པོ་ཆེ་བདུད་རྩི་བཅུད་ཐིགས་སངས་རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་ལས།།
196a6 འཁྲུལ་པའི་རྩ་བ་སྤྲོས་པ་རང་ཐོག་ཏུ་བཅད་པའི་ལེའུ་སྟེ་བརྒྱད་པའོ།། །། དེ་ནས་ཀུན་རིག་ཁྱེའུ་ཆུང་གིས།། གསང་བདག་སྟོན་པ་ལ་ཞུས་པ།། དོན་ལ་འཁྲུལ་རྩད་མཆོད་ན།། ཚིག་ཏུ་འབྱམས་པའི་ཉེས་པ
iiif viewer powered by OpenSeadragon
