| e-texts navigator |
| Wylie |
195b1 ངང་བཞག་རང་བསོ་བས།། བྱ་བཙལ་སྤྲོས་པའི་སྣང་བ་མེད།། འབྱེད་མེད་མུན་པའི་སྨག་དང་འདྲ།། སེམས་ཉིད་རྣམ་དག་ཡེ་ཤེས་འདི།། མ་བཅོས་སོར་བཞག་རང་སྟོང་པས།། བརྟགས་ཞེན་མཚན་མའི་ཡུལ་ལས
195b2 འདས།། མཐའ་མེད་ནམ་མཁའ་ཆེན་པོ་འདྲ།། སངས་རྒྱས་སེམས་ཅན་གཉིས་འཛིན་འདི།། ལམ་གྱིས་བཅོས་མེད་རང་རིག་པས།། ཆེ་བའི་རེ་སྨོན་བསྒྲུབ་རྩོལ་མེད།། འཁོར་ལོས་སྒྱུར་བའི་རྒྱལ་པོ་འདྲ།། སྐྱེ་མེད
195b3 རང་བྱུང་ཡེ་ཤེས་འདི།། མ་བཙལ་མ་བསྒྲུབས་རང་ཉིད་ལས།། འགག་མེད་གྲོལ་ནས་གྲོལ་ལམ་སྟོན།། བར་སྣང་འཁྲུལ་པའི་གློག་དང་འདྲ།། མ་བྱུང་མ་སྐྱེས་སྙིང་པོ་འདི།། མིང་དུ་བསྟན་མེད་རང་སར
195b4 སངས།། གཞན་ལ་བསྟན་ཅིང་སྨ་རུ་མེད།། གཞོན་ནུ་མ་ཡི་བདེ་བ་འདྲ།། ཀ་དག་ཆོས་སྐུ་བུན་ཁྱབ་འདི།། རྒྱ་ཆད་མེད་པར་རང་དངས་པས།། ཡོན་ཏན་ཀུན་རྫོགས་འཕེལ་འགྲིབ་མེད།། དགོས་འདོད་ཀུན་འབྱུང
195b5 ནོར་བུ་འདྲ།། བློ་འདས་མུ་མེད་ཆོས་འདས་འདི།། སློབ་དཔོན་མེད་པར་རང་གྲོལ་བས།། བཙལ་མེད་བདེ་ཆེན་རང་ལས་རྙེད།། རྟ་རྔ་སྦྲུལ་གྱི་མདུད་པ་འདྲ།། མ་རྟོགས་དམན་པའི་གོལ་སྒྲིབ་འདི།། ཐིག་ལེའི་ཀློང
195b6 དུ་རང་ཞི་བས།། བསྒྲིབ་བྱ་སྒྲིབ་བྱེད་ཀ་ནས་དག། ནམ་འཁར་ནམ་མཁའ་ཐིམ་པ་འདྲ།། གཉིས་འཛིན་གཟུང་ཡིད་ཞགས་པ་འདི།། དབྱེ་བསལ་མེད་པར་རང་ཆད་པས།། སྲིད་པའི་འཆིང་བ་མ་ལུས་གྲོལ།། མདུད
iiif viewer powered by OpenSeadragon
