| e-texts navigator |
| Wylie |
195a1 མ་ངར་འཛིན་འདི།། ཀ་དག་སྐྱེ་མེད་ཟང་ཀ་ཡིན།། ཡེ་ཤེས་ཆེན་པོ་རང་བྱུང་བས།། བསམ་བརྗོད་ཀུན་བྲལ་ཐོགས་རྡུགས་མེད།། རིན་ཆེན་གསེར་གྱི་ཐོག་མཐོངས་འདྲ།། འཁྲུལ་རྐྱེན་ཡུལ་གྱི་སྣང་བ
195a2 འདི།། ཡུལ་མེད་ཆོས་སྐུ་རང་དངས་པས།། སངས་རྒྱས་དགོངས་པ་རྒྱུན་ཆད་མེད།། ཆུ་བོ་ཆེན་པོའི་རྒྱུན་དང་འདྲ།། ལོག་པར་རྟོག་པའི་དྲི་མ་འདི།། གནས་ལུགས་ཀློང་དུ་རང་དག་པས།། ཀ་དག་ཡེ་ཤེས་ཟང་ཀའི
195a3 ང་།། རིན་ཆེན་མན་ཤེལ་དངས་པ་འདྲ།། རྣམ་རྟོག་སྣང་སྲིད་འཁོར་འདས་འདི།། སྐུ་ལྔའི་ཞིང་དུ་རང་གྲུབ་པས།། བླང་དོར་དབྱེ་གསལ་སེལ་དང་བྲལ།། རིན་ཆེན་གསེར་གླིང་ཕྱིན་པ་འདྲ།། ཕྱི་ནང་གཉིས་སུ་སྣང
195a4 བ་འདི།། སེམས་ཉིད་ཡེ་ཤེས་རང་དངས་པས།། སྣང་སྟོང་གསལ་འགྲིབ་ཟང་ཐལ་འདི།། འཕྲུལ་གྱི་མེ་ལོང་བརྩེགས་པ་འདྲ།། བསྐལ་པར་བསགས་པའི་མུན་པ་འདིར།། ཤེས་རབ་སྒྲོན་མ་རང་ཤར་བས།། མ་རིག
195a5 མུན་པ་མ་བསལ་སངས།། གསལ་བའི་སྒྲོན་མེ་བཏེགས་པ་འདྲ།། མ་ངེས་སྣང་བ་དཀར་དམར་འདི།། མཁའ་གསལ་ཡེ་ཤེས་རང་གསལ་བས།། ཉིན་མཚན་མེད་པར་གསལ་འགྲིབ་མེད།། མཁའ་ལ་ཉི་མ་ཤར།
195a6 བ་འདྲ།། མཚན་མའི་དངོས་པོ་སྣ་ཚོགས་འདི།། ཆོས་ཉིད་སྐྱེ་མེད་རང་སྣང་བས།། མཐོང་ཡུལ་དམིགས་པའི་ངོས་གཟུང་མེད།། བར་སྣང་དག་པའི་སེར་བུ་འདྲ།། གཉིས་སྣང་མེད་པའི་ཆོས་ཉིད་འདི།། བཙལ་མེད
iiif viewer powered by OpenSeadragon
