| e-texts navigator |
| Wylie |
194b1 པར་སྦྱར་ནས་བསྟན།། སྤྱི་ཏིའི་གནས་ལུགས་མ་རྟོགས་ན།། མཐོ་དམན་གྲུབ་མཐའ་གང་འདོད་ཀྱང་།། རྟག་ཆད་གཉིས་ལས་མ་འཕགས་པས།། ངར་འཛིན་སྤྱད་པས་སླར་ལ་འཛིན།། ང་ཡི་བླ་མེད་ཨ་ཏི
194b2 འདིར།། སྣ་ཚོགས་ཅིར་ཡང་སྣང་དུས་ན།། གང་ཡང་མ་བཀག་མ་ཞེན་པར།། རང་སྣང་རང་དག་ཆེན་པོར་གྲོལ།། གྲོལ་དང་མ་གྲོལ་མུ་མཐའ་སྟོངས།། ཞེས་གསུངས་སོ།། རིན་པོ་ཆེ་བདུད་རྩི་བཅུད་ཐིགས་སངས
194b3 རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་ལས། ཐེག་པའི་གྲུབ་མཐའ་བཟུང་བས་གོལ་བར་བསྟན་པའི་ལེའུ་སྟེ་བདུན་པའོ།། །། དེ་ནས་ཀུན་རིག་ཁྱེའུ་ཆུང་གིས།། གསང་བདག་སྟོན་པ་ལ་ཞུས
194b4 པ།། བློས་བཏགས་ཐེག་པ་ཀུན་གོལ་ན།། བཅུ་རྩིའི་འཁྲུལ་པ་ཇི་ལྟར་བཅད།། ཅེས་ཞུས་པ་དང་། གསང་བདག་སྟོན་པས་བཀའ་སྩལ་པ།། ང་ཡི་སེམས་ཉིད་སྤྱི་ཏི་འདིར།། གཅད་བྱ་གཅོད་བྱེད་མཐའ་སྟོངས
194b5 ཀྱང་།། དེ་ལྟར་མ་རྟོགས་བློ་ཅན་ལ།། རང་རིག་ཉིད་ཀྱི་རང་ངོ་དེ།། སྐྱེ་མེད་ཀ་དག་མཐོང་སྟོངས་སུ།། མ་ཤེས་ཤེས་པར་བྱ་བའོ།། མ་གོ་གོ་བར་བྱ་བ་ཙམ།། མ་རྟོགས་རྟོགས་པར་བྱ་བ་ཙམ།། མ་གྲོལ་གྲོལ་བར་བྱ
194b6 བ་ཙམ།། མ་མཐོང་མཐོང་བར་མཚོན་ཙམ་ལས།། བཙལ་བྱ་བསྒྲུབ་བྱ་ཐོབ་བྱའི་ཆོས།། རྡུལ་ཆ་ཙམ་ཡང་གུད་ན་མེད།། རྟོགས་བྱེད་ཐབས་སུ་ངས་མཚོན་གྱིས།། རང་དངས་རང་རིག་ངང་དུ་ལྟོས།། འཁྲུལ་པའི་གཞི
iiif viewer powered by OpenSeadragon
