| e-texts navigator |
| Wylie |
193b1 སུ་སྡུག་བསྔལ་མྱོང་།། རི་དྭགས་རྒྱ་ལ་ཆུད་པ་འདྲ།། ཅི་བྱས་མར་འགྲོའི་གནས་སུ་སོང་།། གླང་ཆེན་འདམ་དུ་བྱིང་བ་འདྲ།། དེས་ན་ངར་འཛིན་རྩད་ཆོད་ལ།། ཡང་དག་ཆོས་འདས་ཀློང་དུ་སྡོད།། ཅེས་གསུངས
193b2 སོ།། རིན་པོ་ཆེ་བདུད་རྩི་བཅུད་ཐིགས་སངས་རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་ལས། གནས་ས་སྤྱི་ནས་འཁོར་འདས་སུ་སྣང་ཚུལ་གཏན་ལ་ཕབ་པའི་མཚན་མའི་ལེའུ་སྟེ་དྲུག་པའོ།། །། དེ་ནས
193b3 ཀུན་རིག་ཁྱེའུ་ཆུང་གིས། གསང་བདག་སྟོན་པ་ལ་ཞུས་པ།། འཁྲུལ་པའི་ངོ་བོ་ངར་འཛིན་དེ།། དེ་མ་ཡིན་ལ་དེར་འཛིན་པས།། དེ་ཉིད་རྩད་ནས་གཅོད་པ་ལ།། ཀུན་བརྟགས་ཐེག་པ་ཇི་ལྟར་སྤྱོད།། ཅེས་ཞུས
193b4 པས།། གསང་བདག་སྟོན་པས་བཀའ་སྩལ་པ།། ངང་འཛིན་རྩད་ནས་གཅོད་པ་ལ།། ཕྱི་ནང་ཐེག་པའི་ཆོས་སྒོ་ལ།། གཅོད་ཚུལ་བསམ་གྱིས་མི་ཁྱབ་སྟེ།། ཕྱི་བ་བསྡུས་པས་རྟག་ཆད་གཉིས།། ནང་པ་བསྡུས་པས་རིམ
193b5 པ་དགུ།། རང་རང་འདོད་པ་རྣམ་མང་སྟེ།། སྠི་ཏི་མ་རྟོགས་གོལ་བར་ཆད།། དེ་ཡང་མུ་སྟེགས་རྟག་པ་ནི།། གཞི་ཡི་ངོ་བོ་འགྱུར་མེད་ལ།། བརྟགས་པས་ཁ་དོག་དབྱིབས་སུ་མཐོང་།། སྒྲོ་འདོགས་ལོག་པའི་ལམ
193b6 ལ་སྤྱོད།། ཆད་པར་ལྟ་བའི་མུ་སྟེགས་ལ།། རང་བཞིན་ཁ་དོག་དབྱིབས་མེད་ལ།། རྒྱུ་འབྲས་རྟེན་མེད་སྟོང་པར་མཐོང་།། སྐུར་འདེབས་འཁྲུལ་པའི་ལས་ལ་སྤྱོད།། ནང་པ་ཐེག་པ་ཆུང་ངུ་ཡི།། ཉན་ཐོས་སྣང་བ་ཕྲ
iiif viewer powered by OpenSeadragon
