| e-texts navigator |
| Wylie |
193a1 འགྲོ་བ་མེད།། རྦ་རླབས་རྒྱ་མཚོར་ཐིམ་པ་འདྲ།། ངོ་བོ་ཡེ་ནས་ཀ་དག་གི།། རང་ས་ཟིན་པ་ཆོས་ཀྱི་སྐུ།། རང་བཞིན་ལྷུན་གྲུབ་ཆེན་པོ་ཡི།། རང་ས་ཟིན་པ་ལོངས་སྤྱོད་སྐུ།། ཐུགས་རྗེ་ཀུན་ཁྱབ་ཕྱོགས
193a2 བྲལ་གྱི།། རང་ས་ཟིན་པ་སྤྲུལ་པའི་སྐུ།། གསུམ་དུ་དབྱེར་མེད་མཐའ་སྟོང་པའི།། རང་ས་ཟིན་པ་ངོ་བོའི་སྐུ།། ཆོས་འདས་ཐོག་མའི་གནས་ལུགས་ཀྱིས།། རང་ས་གཟུང་འཛིན་མིང་མེད་པ།། བདེ་ཆེན་མངོན་པར
193a3 བྱང་ཆུབ་སྐུ།། སྔོན་ཐོག་ཡེ་ཤེས་སངས་རྒྱས་ཡིན།། སྲིད་པ་ལས་ཀྱི་རྩུབ་རླུང་གིས།། རྣམ་པར་མ་གྱུར་རང་བཅས་ཉིད་མ་རིག། གནས་ལུགས་རང་ངོ་མ་ཤེས་པས།། མ་རིག་ཞེས་བྱའི་འཁྲུལ་འཁོར་བྱུང་།། ང་ཡིས
193a4 གནས་ལུགས་རིག་སྙམ་པའི།། ཤེས་པ་དེ་ཉིད་འཁྲུལ་པར་སོང་།། མིང་མེད་མིང་དུ་སོང་བ་འདྲ།། རིག་པས་ཡུལ་བཅད་གཉིས་འཛིན་ཞུགས།། རང་གཅིག་བྱུང་ན་གཞན་ཡོད་འདྲ།། གཞི་ལས་མ་གྲུབ་གློ་བུར
193a5 འཁྲུལ།། ནམ་མཁའ་སྤྲིན་གྱིས་འཁྲུག་པ་འདྲ།། རིག་པ་རང་ས་མ་ཟིན་འཕྱོས།། ཡུལ་བྲལ་འཁྱམ་པའི་དབུལ་པོ་འདྲ།། ཡིད་ཀྱིས་རང་ས་མ་ཟིན་འགྱུས།། སྦྱིན་པ་རླུང་གིས་བསྐྱོད་པ་འདྲ།། སེམས་ཀྱིས་རང་ས་མ
193a6 ཟིན་རྟགས།། བྲ་བྱི་ཁུང་སྟོར་ཚོལ་བ་འདྲ།། དེ་ཡིས་འཁོར་བའི་འཁྲུལ་པར་སྣང་།། སྨིག་རྒྱུ་ཆུ་རུ་འཁྲུལ་པ་འདྲ།། བདག་འཛིན་དབང་གིས་དུག་ལྔར་སྤྱོད།། རང་སྲོག་རང་གིས་གཅོད་པ་འདྲ།། རིགས་དྲུག་གནས
iiif viewer powered by OpenSeadragon
