| e-texts navigator |
| Wylie |
192b1 དག་དོན་གྱི་གནད་ལུགས་སོ།། ཞེས་གསུངས་སོ།། རིན་པོ་ཆེ་བདུད་རྩི་བཅུད་ཐིགས་སངས་རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་ལས། སེམས་ཉིད་ཡང་དག་དོན་གྱི་གནས་ལུགས་ཀྱིས་ཆོས་ཐམས་ཅད
192b2 ལ་བཟླ་བའི་ལེའུ་སྟེ་ལྔ་པའོ།། །། དེ་ནས་ཀུན་རིག་ཁྱེའུ་ཆུང་གིས།། གསང་བདག་སྟོན་པ་ལ་ཞུས་པ།། གནས་ལུགས་མཉམ་ཉིད་སྦྱིས་ན།། སངས་རྒྱས་སེམས་ཅན་གཞི་གཅིག་ལས།། འཁོར
192b3 འདས་གཉིས་སུ་སྣང་བ་ཅི།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། སྤྱི་གཞི་གནས་ལུགས་ག་བུར་འདྲ།། སྨན་དུག་གར་ཡང་རྒྱ་མ་ཆད།། གཉིས་ཀ་ག་བུར་སྤྱི་སར་གཅིག། རྐྱེན་དང་གང་ཕྲད་གཉིས
192b4 སུ་སྣང་།། སྤྱི་གཞིའི་མིང་མེད་སྤྱིས་ན།། འཁོར་འདས་གང་དུ་རྒྱ་མ་ཆད།། སངས་རྒྱས་སེམས་ཅན་སྤྱི་སར་གཅིག། རྐྱེན་གྱི་འཆར་སྒོ་འཁྲུལ་སྒོ་སྣང་།། སྤྱི་གཞི་ནམ་མཁའ་ལྟ་བུ་ལས།། རྩལ་སྣང་སྐར་སྐྱེའི་ཚུལ་དུ
192b5 བྱུང་།། རླུང་གཡོས་ནམ་མཁའ་སྒོ་ཕྱེ་ནས།། རིག་ཡིད་བསྐྱོད་པའི་རྩལ་གཉིས་བྱུང་།། ཡེ་ཤེས་འཇམ་རླུང་རང་གྲོལ་གྱི།། རིག་པ་རང་ཤར་འཛིན་མེད་དུ།། རང་ངོ་ཤེས་པས་ཡེ་ཤེས་ཤར།། རང་ནི་རླུང་གིས་འགྱུ་མ
192b6 ནུས།། ཁུ་རླངས་ནམ་མཁར་ཡལ་བ་འདྲ།། ཡིད་གཉིས་རྟོགས་པར་འཕྱོ་མ་ནུས།། སེར་བུ་བར་སྣང་དངས་པ་འདྲ།། སེམས་ཀྱིས་ཡུལ་ལ་འཛིན་མ་ནུས།། འཇའ་ཚོན་མཁའ་ལ་དག་པ་འདྲ།། རྩལ་སྣང་གར་ཡང
iiif viewer powered by OpenSeadragon
