| e-texts navigator |
| Wylie |
191b1 ཡི།། གནས་ལུགས་བསྟན་དུ་ཡོད་དང་མེད།། ཡོད་ན་བློ་ཡི་ཡུལ་དུ་གྱུར།། མེད་ན་ཇི་ལྟར་རྟོགས་པར་བྱེད།། ཅེས་ཞུས་པས། གསང་བདག་སྟོན་པས་བཀའ་སྩལ་པ།། གནས་ལུགས་ཆོས་འདས་མཚོན་མེད
191b2 ལ།། བསྟན་བྱ་སྟོན་བྱེད་མཐའ་ལས་གྲོལ།། འདི་ཞེས་གཅིག་ཏུ་མཚོན་དུ་མེད།། བསམ་འདས་བརྗོད་མེད་ཚུལ་དུ་མཚོན།། ཀ་དག་ང་ཡི་གནས་ལུགས་ནི།། རྒྱུ་རྐྱེན་མེད་པར་ཀུན་འཆར་བས།། རྒྱ་ཆད་ཕྱོགས་ལྷུང
191b3 གྲོལ་བར་གནས།། རྟོགས་ཐབས་མཚན་མ་མིང་མེད་པས།། མི་རེ་དོགས་པའི་གཞི་དང་བྲལ།། ཕྱི་ནང་བར་གསུམ་རང་བརླག་པར།། གསལ་དག་ཡེ་ཤེས་འཆར་ནུབ་མེད།། ཅིར་སྣང་ཆོས་ཉིད་ཟང་ཀ་ལ།། གཉིས
191b4 འཛིན་རྟོགས་པའི་སེལ་མ་ཞུགས།། ཤེས་པ་འཛིན་མེད་རྒྱ་ཡན་ལ།། ཏིང་འཛིན་བསམ་བཞག་གནས་པ་མེད།། སྲིད་གསུམ་རྒྱལ་བའི་ཞིང་ཁམས་ལ།། འཁོར་བའི་སྣོད་བཅུད་གདོད་ནས་དག། མཐོང་མེད་ཡེ་ཤེས
191b5 ཟང་ཐལ་ལ།། གསལ་འགྲིབ་གཉིས་འཛིན་མཐའ་ལས་གྲོལ།། མིང་མེད་ཆོས་དབྱིངས་དང་གསལ་ལ།། འབྱུང་འཇུག་མེད་པར་ཡེ་ནས་གནས།། ས་ལམ་རྣམ་གྲོལ་གཅིག་རྫོགས་ལ།། འགྲོ་འཇུག་ལམ་ལ་བགྲོད
191b6 དང་བྲལ།། གྲུབ་མཐའ་འཛིན་མེད་དགོངས་པ་ལ།། ལྟ་བའི་འདོད་པ་ཉིད་མཐའ་སྟོང་།། བསྒོམ་མཁན་རིག་པ་རང་བཅུད་པས།། མཐོང་བྲལ་དངོས་མེད་ཟང་ཀར་དངས།། འགག་མེད་སྣང་ཚུལ་མ་ངེས་པས།། རང
iiif viewer powered by OpenSeadragon
