| e-texts navigator |
| Wylie |
190b1 པས།། འཁྲུལ་སྣང་དམྱལ་བར་འཕེན་པས་གསང་།། ཞེས་གསུངས་སོ།། རིན་པོ་ཆེ་བདུད་རྩི་བཅུད་ཐིགས་སངས་རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་ལས། སྣོད་ཀྱི་མཚན་ཉིད་བསྟན་པའི་ལེའུ་སྟེ
190b2 གསུམ་པའོ།། །། དེ་ནས་ཀུན་རིག་ཁྱེའུ་ཆུང་གིས།། གསང་བདག་སྟོན་པ་ལ་ཞུས་པ།། ཕྱི་རབས་སྐལ་ལྡན་དགུ་རྩེ་འདིར་དད་ནས།། འཇུག་སྒོ་གཡོ་བ་མེད་པར་བསྟན་པ་ལ།། རིམ་དང་ཅིག་ཅར་ཇི་ལྟར
190b3 འཇུག་པར་བྱ།། ཞེས་ཞུས་པས། གསང་བདག་སྟོན་པས་འཁོར་ལ་བཀའ་སྩལ་པ།། ང་ཡི་སྐྱེ་མེད་ཀ་དག་ཕྱོགས་བྲལ་ལ།། དེ་ལས་མ་གཡོས་འཇུག་པས་རྩོལ་བ་མེད།། གར་ཡང་མ་ཞུགས་འཇུག་པས་མཆོག་ཡིན
190b4 པས།། དེ་ཉིད་མ་མཚོན་ཡོད་མེད་མི་རྟོགས་པས། རྩོལ་མེད་འཇུག་པས་གདམས་ངག་བསྟན་གྱི་ཉོན།། ཕྱི་རབས་འདིར་འཇུག་རིགས་གཉིས་ཏེ།། བློ་ལྡན་ཐེག་པར་སྦྱངས་མ་སྦྱངས།། ཐེག་པར་སྦྱངས་པ་རྣམ
190b5 གཉིས་ཏེ།། རྒྱུ་དང་འབྲས་བུའི་ཐེག་པའོ།། རྒྱུ་ཡི་ཐེག་པར་སྦྱངས་པ་ལ།། འབྲས་བུའི་ཐེག་པ་ཀུན་བསྟན་ལ།། དེ་ནས་ཅིག་ཅར་དོན་དེར་འཇུག། རྒྱུ་འབྲས་གཉིས་ཀར་སྦྱངས་པ་ལ།། ཅིག་ཆར་ཆོས་འདས་སྤྱི་ཏི
190b6 བསྟན།། བློ་ལྡན་གང་ཡང་མ་སྦྱངས་ན།། སྣོད་ངན་སྐྱོན་བཅོས་སྤྲོས་པ་བཅད།། དེ་ནས་བླ་མེད་དོན་ལ་སྦྱར།། སྣོད་ངན་ཐ་མལ་ལོག་ལྟ་དང་།། ཐེག་དམན་གྲུབ་མཐའི་དྲི་མ་གསལ།། ཐ་མལ་གནས་ལུགས་མ་ཤེས
iiif viewer powered by OpenSeadragon
