| e-texts navigator |
| Wylie |
190a1 བའི་དུས་ཀྱི་ཚེ།། དམན་པའི་རིགས་ཅན་བྱིས་པ་ཡིས།། སྤྱོད་ཡུལ་ཡིན་པར་མ་གསུངས་པས།། ཕྱི་རབས་སྣོད་ལྡན་མཚན་ཉིད་གང་།། སྤང་བར་བྱ་བ་ཇི་ལྟ་བུ།། ཞེས་ཞུས་པས། གསང་བདག་སྟོན
190a2 པས་བཀའ་སྩལ་པ།། ངེས་དོན་འདིར་འཇུག་སློབ་མ་ནི།། རིགས་བཟང་རྒྱུད་དུལ་སྙིང་རྗེ་ཅན།། འཁོར་བ་མངོན་བྱུང་བྱང་ཆུབ་འདོད།། དད་དང་བརྩོན་འགྲུས་ཤེས་རབ་ཆེ།། རྒྱུད་སྦྱངས་དབང་ཐོབ་དམ་ཚིག
190a3 གཙང་།། གཏོང་ཕོད་ཁེངས་མེད་རྨོངས་པ་སངས།། དྲང་བརྟན་དྲི་མེད་ཐེ་ཚོམ་བྲལ།། ལུས་སྲོག་མི་ལྟོས་ངེས་དོན་ཚོལ།། བསྒྲུབ་རྩོལ་ཟོད་རྒལ་བློ་ལྡན་ནི།། ང་ཡི་བླ་མེད་སྤྱི་ཏིའི་སྣོད།། མཚོན་བྱེད་སློབ་མ་དེ་ལ
190a4 བསྟན།། བསྟན་པའི་སྙིང་པོ་འཛིན་པར་འགྱུར།། དེ་དང་མི་ལྡན་སློབ་མ་ནི།། ཁ་འཇམ་ཁོང་གྱོང་གཡོ་སྒྱུ་ཅན།། རང་བཟོ་བཀའ་རྐུ་ཐབས་ཀྱི་འདོད།། བདག་བསྟོད་མཁས་སྨོད་ང་རྒྱལ་ཆེ།། ཐོས་ཆུང་བློ་དམན་ལོག
190a5 ལྟ་ཅན།། དད་བརྩོན་ཤེས་མེད་གཞན་ལ་སྐུར།། སྙིང་བརྩེ་སྡོམ་པར་དམ་ཚིག་བྲལ།། འཁྲུལ་པའི་ལས་བརྩོན་བསྒྲུབ་ལ་གཡེལ།། བླ་མར་གུས་བྲལ་ཐེ་ཚོམ་ཅན།། འཕྱར་སྲབ་ཁ་གསག་ཚིག་ལ་ཞེན།། གཞུང་ཐོག།
190a6 བཀའ་སྨོད་སྐུར་པ་འདེབས།། དུག་སྦྲུལ་ལྟ་བུའི་སྐལ་མེད་ལ།། སྲིད་པ་འཁྲུགས་ཀྱང་བསྟན་མི་བྱ།། དོན་འདིར་སྐྱོན་ཡོད་མ་ཡིན་ཏེ།། བློ་དམན་ལོག་རྟོག་སྒྲོ་སྐུར་འདོགས།། ཡང་དག་དོན་ལ་མ་མོས
iiif viewer powered by OpenSeadragon
